زاد الخجل واثّر على راحة اليـد=رعشة يمينك عبّرت عن حـدودك
العين خجلى والهدب طـاح منهـد=كنه مسمّر في مساحـة سجـودك
عيّت (هلا ) تطلع وصديت منحـد=أبيك تسترجع ملامـح صمـودك
فرحتك بي حسيتها مالها حد=بس المشاعر من حرجها تكودك
شعبة من الإيمان فيك ظهرت جـد=زادت حلاك ووضحت فرق زودك
سلّم برمشك بس تكفى على الخـد=ورد الندى ما يحتمل رمح سـودك
يامعذبي لو تلمس الصـدر باليـد=تحس نبض القلب ترجم وجـودك
الود كانك تشتـري زهـرة الـود=قلبي زهر ودٍ (ن) تعلق بــ ..عودك
التوقيع |
:
:
:
إذا الكريمُ رأى الخمولَ نزيلـهُ=في منزل فالحـزمُ أن يترحـلا
كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا
صفحتي على التويتر |