حصريا : أفضل طواريق حفلة ابن فهيد ( حبيب العازمي والقرقاح وإنسحاب هيف بن عبود )

[ابن لويبان]

السلام عليكم ورحمة الله وبركاته وبعد....


هذه اول مشاركه لي في هذا المنتدى الشامخ الذي اتابعه قبل مده ليست بالقصيرة

واتشرف بالتسجيل فيه واخترت ان يكون موضوعي الاول متميز كتميز المنتدى والقائمين عليه.....



المحاورة من حفل الشيخ هذال بن فهيد الذي عرض البارحه بنقل مباشر مميز من قناة المرقاب وهي بين الشاعرين الكبيرين حبيب العازمي وفلاح القرقاح


حبيب

هبوب الريح ان بانشدك وين الشاعر القرقاح ××× سرح والا ضوى والا رحل شده بلا قامه

انا شفته وضيعته وجيت ابغاه قالوا راح ××× هاذي جرة نويقاته وهذا مربع خيامه


فلاح

هبوب الريح هبي كل ساعه والقلوب صحاح ××× هذا القرقاح ياللي تعرفونه عاشت ايامه

تقولون الجبل طايح وانا اقول الجبل ماطاح ××× عليه العز يطرخ والسعد خلفه وقدامه


حبيب

تعرض للخيال اللي تشوف البرق قدمه لاح ××× ماتدر انه يقضك فالثرا تسعة عشر قامه

عرفت ان الخطر مقبل وعرضت الصياح صياح ××× ورجال يدور للسلامه ماحد ن لامه


فلاح

انا مانيب مثلك مبتلش في قرنك النطاح ××× معرضك السبب ومخلي ن ربعك بدوامه

هاذي فرصتك تسرح وتهدف يالسارق المزاح ××× جملنا لوهدر خلى جملطم ترقل عظامه


حبيب

لا بله مانتوخر لو فالميدان زرق رماح ××× ماهوب اللي يجي ويردها مافوقه عمامه

عليكم يفتح الله قول يارزاق يافتاح ××× جملكم ماهدر وسط امهاته يسحب خطامه


فلاح

اقول الحر لامنه فقد صبره وسده فاح ××× ماهوب يصير مثل المسلم اللي يخفي اسلامه







اعتقد والله اعلم ان المعنى عن انسحاب هيف ابن عبود


وهذه المحاوره بالصوت والصوره