وجيه مغسوله بفيري (مرق) بأم رقيبه !

[وصل الشهيب]

هلا والله يامتابع

الحمدلله على القناعه وعزة النفس وانا أخوك

الجواب على أسئلتك

1 / حب المال . ولأن ملاك الإبل أثرياء .النفس الضعيفه تجعل صاحبها شحاذ.والبعض منهم يبي يشوف نفسه على شاشات الفضائيات .

2 / الجمهور أصبح لايعرف إلا المهاترات . لأن المحاوره إنتهت مع صياف ومطلق وإبن تويم وشليويح بن شلاح وأحمد الناصر

3 / لاحياة لمن تنادي

ــــــــــــ

الحمدلله إني مارحت لأم رقيبه حتى لاأكون من ضمن الشحاذين.رغم إن ربعي عتيبه مشاركين ويعرفونني تمام المعرفه .وبعضهم يفرح بزيارتي لو زرته . لكن عز نفسك تجدها

أخي متابع

من سابق الوقت .بعض الشعراء يحاولون إستغلال مثل هذه الفرص
أذكر لك مره من المرات

كان في مكه المكرمه . صاحب معرض سيارات إسمه عبدالله بن مشرع العصيمي

وصار عنده حفله وعزم بعض الشعراء منهم . محمد الجبرتي .رحمه الله

والجبرتي شاعر كبير وفي نفس الوقت فكاهي . عرف إن صاحب الحفله عنده معرض سيارات

قال أثناء المحاوره

ياهل المعرض نبي من عندكم سياره=والفلوس إن جات وإن ماجات سبحان الله

ــــــــــــ

ضحك العصيمي وقام وسلمه مفتاح سياره .وقال هذي سياره يالجبرتي هديه لك مني


وسع صدرك

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

آخر تعديل وصل الشهيب يوم 23-Dec-2010 في 04:02 AM.