الشاعر . محمد بن سعود بن هلال الرويس يوجه قصيده لرجل الذي لانعلم كيف نشكره على فعله

[محـــمدالرويـس]

السلام عليكم ورحمة الله وبركاته

اسعد الله مسائكم بالخير

الشاعر . محمد بن سعود بن هلال الرويس

يوجه قصيده لرجل الذي لانعلم كيف نشكره على فعله الطيب

مع التحيه لللأخ / سعود بن شويه السبيعي

الذي يسكن في سلطانه بقرب مدينة الرياض

يقول . ابوسعود

ياجار ياللي جيرتك ماتملي ..... ياسعود بن شويه مجمل ومشكور

لك نرفع البيضا براس متعلي .... ضلع يسمي النير عالي ومشهور

ياخو المهادي بالوفاء يوم احلي .... بدلت حزن الجار بافراح وسرور

فزعتله ياسعود يوم المولي ..... بغا يغــــــط النـــــور ويــــــــورطه زور

وشهدت له بالحق ياخير من لي .... وعيدت له ياسعود يوم اشرق النور

حيثك بخيص بسيرته والسجلي .... جيرت سنين طوال ياسعود وشهور

ولاهي غريبه منك للجار ظلي ..... من روس قوم فيهم الطيب مخبور

ويوم ان كل للمهند يسلي .... بين القبايل ماذكر فيهم اقصور

يثنون دون الضالعه والمتلي .... سبعان مايرضون بالغبن والجور

قلته يابوناصر بعد مااسفهلي.... الخاطر اللي كان ياسعود مكسور

وامانتك ياسعود لااحتجت قلي ... وانته مثاب من وليك وماجور

وانا ادري انك بنك مانته مقلي .... مير الزمان يلف ياسعود ويدور

افداك بعيالي ومالي وكلي .... ولو اعتذر والله ماني بمعذور

وصلو على اللي كلبونا انصلي .... عليه من بعثه إلى نفخة الصور



.......................................