الصـقـر شـبـكـه بالـحـمامـه خـديـعـه

[العفريت]

المشاركة الأصلية كتبت بواسطة وصل الشهيب

أخواني هنا في منتدي

قبيلة عتيبه الهيلا

هذه المتواضعه أمامكم طلبها مني الأخ


العفريت

فأعادني إلى ماقبل سنوات والبحث عنها في

الارشيف القديييييم

هي له ولكم

آمل أن تحوز على شيئاً من الرضى


الصقر شبكه بالحمامه خديعه

إسمي وصل والوصل عكس القطيعه=وانتي بعكس إسمك ووصلك قطعتيه
كنتي هوى قلبي وزهة ربيعه=ماحد وصل ميصالك اللي وصلتيه
كنتي فرح صدري وصرتي فجيعه=هدمتي اللي في حياتك بنيتيه
يابنت دورات الليالي سريعه=أبي آتجرَع كاسك اللي سكبتيه
قال المثل.ماطاعك الوقت طيعه=ترين صدري قبر حباً دفنتيه
أمانة اللي مايخون الوديعه= و لا يمكن إنه ينصرك من هزمتيه
الصقر شبكه بالحمامه خديعه=إعتبري أني صقر وانتي شبكتيه
خلاص خليها تضيق الوسيعه=وش عاد أقول وكل شيئاً عرفتيه
ماللهوى حاكم وقاضي شريعه=ينصف محبَاً مخلصاً لك ظلمتيه
مانستطيع الصبر؟ لا . نستطيعه=مادام نسيان الغرام إستطعتيه
من لاشراني.حالف إني لبيعه=والله لأمنع قلبي اللي منعتيه
عندي كرامة نفس دايم طبيعه=تعصى على قلبٍ بحبك خذلتيه

وسلامتكم

الله الله

يا سلام ياوصل

ليش تستغرب اطلبها منك

والله مابه بيت افضله على بيت

كل بيت قصيده

يازينها والله يا وصل

الله لايهينك اتحفتنا بالقصيده الرئعه

ولا غرابه من شاعر مثلك

تحياتي