زبدة المعنى فوادي من معاليقه خذيته

[توبان الروقي]

يسرني ان اضع بين يديكم هذه الابيات التي اتمنى ان تنال اعجابكم

ايه احبك غصب عني لو حبي مارضيته=والله اني مغرم بك لو يطولن الليالي
كم غيرك من هواني مير والله ماهويته=انته اللي مشغل فكري وهاجوسي وبالي
لو غيرك يحتويني بالمحبه ماحتويته=لو يقول انه مليك بالدلال وبالجمالي
ماش غيرك من غدا قلبي مقر له وبيته=لو تهجرني ماافكر في بدالك مستحالي
انته اللي ماش غيرك بالمحبه قد رجيته=والله ان اموت غيرك ماارتجيه ولا طرالي
حبك اللي ممتلكني يابعد قلبي فديته=وانته اغلى من عيوني يابعد كل الغوالي
حبك بدمي وروحي يابعد روحي غذيته=وانته الحب الحقيقي يابعد مالي وحالي
زبدة المعني فوادي من معاليقه خذيته=احتفظ به ياعساني مافقدك ياعز غالي
والسلام ختام قول في محبتك ابتديته=وانتهي واقول حبك مشغل فكري وبالي