عزوة عتيبة

[سعد عبدالرحمن]

البل عطايا الله أعلنها الكتاب المبين
وأنا على حبّها من يوم عادي صغير

والحين حبّي لها متجاوز(ن) كلّ عين
قال المثل في جملنا للصحاري سفير

يا نجم ياخوي شوف الوضح عندي حنين
يشبه حنين الحوار لشوفة أمّه عصير

وجدي على خمس منها واليقين اليقين
خمس ن منايح ثنايا ما بعد جت فطير

من الشغار أبن متعب وأبن متعب متين
ولاّ من أولاد بن جهجاه أو بن سمير

ووجدي على خمس منها والسمين السمين
لقح ن من الشقح تاصلني من آل النعير

وخمس من الوضح تلحق والثمين الثمين
وسم الشيابين عاليها وفنجال أمير

وخمس مجاهيم تقبل كاملة كل زين
آلاد ثابت عطوها غاليه للفقير

وخمس من الحمر تقتل عسر من جاه دين
من الجريسي مع الروسان وبني مغير

قصيدتي سقتها في حب للغانمين
عزوة عتيبة هل الهيلا صغير وكبير

وصلاة ربي على المرسول للعالمين
محمد المصطفى والعلم تاليه خير

الشاعر
سعد عبدالرحمن الشمراني - مدينة البشائر