يا خلف المطيري حياك الله !!

[علي الشهراني]

علي الشهراني

يا سلامي سلام الجود و الماجـود=قبـل لا يشـرب الرجّـال فنجالـه
يا خلف ودي انشد من ذبح صااهود=يوم قالو لي انّـك عمـه و خالـه

خلف المطيري

مرحبا والمسلم ماقفه محمود=قبل يظهر يفكر كيف مّدخالـه
ودي اجاوبك فالشاعر المفقود=لكن الغرب الاقصي حيّ رجّاله

علي الشهراني

البقا يا المرحب و العيون السـود=تشكي امن السهر و الحاله الحاله
خابر الغرب الاقصى معطن النمرود=كـل يـومٍ يعـدّل راس دسمالـه

خلف المطيري

السهر لو يعيّب عيّب ابن سعود=شال هم الليال السـود بلّحالـه
وش يسوي وقلبه فالجبال السود=المحبه تضر ابليـس واعيالـه

علي الشهراني

يغفر الله ذنبك يـا كبيـر الفـود=كيف تنسى جمايل زيد و ارجاله
النصارى نصارى و اليهود ايهود=مالهم غير ضربة رمـح قتّالـه

خلف المطيري

حسبي الله علي اللي مامعاه اشهود=لاخذتّه الطـواري ميّـل اعقالـه
راح وقت المهند واشهب البـارود=يسّتر الله علي شهـران وجّبالـه

علي الشهراني

عين للحاشي و عينيـن للمفـرود=صح و الّا خطا يا السالـي الدالـه
يستر الله على اللي ما يجي المنقود=و الّا انا دون ربعي حامـي القالـه

خلف المطيري

انت شكّلك تبيني اسكن المحدود=خاف ربك ترا الايـام عيّالـه
جعّل عينن تحسّدك للعما والعود=لو خطك ماغيراحروف بطالـه

علي الشهراني

جمل الله حالي و البرا مردود=دام كل العرب رجلي و خيّاله
القبر توّ عينك باللحد ملحود=غير دك القصر و ادك تمثاله

خلف المطيري

الجماله لها رمز وثمـان ابنـود=مايساوا كبيـر القـوم بضّلالـه
اعتبرني صغير وتونـي مولـود=عندك الشيخ الاحمر روح واحتاله

علي الشهراني

الجماله لنا و العـود سـد العـود=روح علّم بها اللي صـك جوّالـه
ساعه و ساعه و تركد هبوب النود=ويتبيّـن قـروم العلـم و أنذالـه

خلف المطيري

ياعلي لا تعيد المشكله وتّزود=يمكن المشكله فالنت وارّساله
يخلّف الله عليكم ياسلايل هود=النذاله لكم والصـدق حنّالـه

علي الشهراني

و الله انّا نزود و لا نحـب الـزود=غير بو بشت رح و انشد من اخواله
خابت امّ الضعيف الهامـل المعقـود=غير ليته يصـك الطاقـه أشوالـه

--------