صرة البابxxللشاعرxxسالم الرويس

[العنيد]

للحزن في صـوت المحبيـن نبـره = ونة خفـوق ٍ كنهـا صـرة البـاب
لو ينفع المحـزون وجـده وصبـره = ماكان ساق الرجل مع ركب الاغراب
على الرجاء اللي مابقى فيـه دبـره = ولاعاد تنفـع بـه معاذيـر وعتـاب
قلبـي يـرده عـن مشاهيـه كبـره = والناس واجد لكـن الولـف غـلاب
طاح الجمل من وجـد قلبـه بكبـره = وحوّل كما دمع ٍ على الخـد سكـاب
يحـن واللـي قالـه القلـب عبـره = عبرة تحاسيف ٍ على غايـبٍ غـاب
قلب ٍ ماباقـي بـه ولا شكـة ابـره = تكسرت في داخله شلـف وحـراب
من لايعرفـه ماقـرا نـزف حبـره = لو كان نزفـه مـن معاليقـه كتـاب
مالوم انـا اللـي جاهـلٍ مايخبـره = الوم من روحي تطاير لـه اسـراب
ياصاحبـي ياكسـر قلبـي وجبـره = من غيبتـك ماعـاد للقلـب غيـاب
شفني حفرت لدامـي القلـب قبـره = واقفيت وألد النظر صوب الاحبـاب
تعال .. شاب القلب من طول صبره = تشوف جرحك داخل القلب ماطـاب
وان كان ماسدك عن الحـال عبـره = بالله لاقفّـيـت لاتقـفـل الـبــاب