قصيده مـــدح في عتيبه كامله لــ/خلف بن هذال

["بندر العصيمي"]

السلام عليكم ورحمه الله وبركاته

هاذي القصيده لقيتها في جميع المنتديات والمواقع ناقص فيها هالبيتين

لنا مكان ودين وسلوم وعراف=بين القبائل كاسبين المديحه
شيمه وقيمه بيت معروف وانصاف=تاريخنا يحكي لغتنا الفصيحه

والقصيده كامله

يابنت ياللي تطوي الثوب الارداف=شط الحـوار بـدر بكـر يميحـه
في ملتع ٍ عشبه تغريف تغريـاف=وامه هجـل ماشملوهـا منيحـه
والعنق عنق مذير ٍ عقب ما شاف=بـواردي ٍ لا قـف ٍ لـه بضيحـه
والعين عين موحش ٍ راس مشراف=يملا عيونه بالفجـوج الفسيحـه
يابنت مانرضى المهونه والاضعاف=لنا علي روس المشاريف صيحه
لاتنشدين عن المنازل والأسلاف=يوم أذكر الماضي تهيج القريحه
فينا صفات الطيب يابنت الاوصاف=ماتنطبـق فـي غيرنـا يامليحـه
لنا مكان ودين وسلوم وأعراف=بين القبايل كاسبين المديحه
شيمه وقيمه بيت معروف ونصاف=تاريخنا يحكي لغتنا الفصيحه
دخلينا يرقد وراء الوجه ما خـاف=يامن وتحماه السلـوم الصريحـه
ناسم عصاه ولويبا حد واطـاف=تحت الحما ما واحـد ٍ يستبيحـه
ونفوسنا دايم عفيفـات وانظـاف=وابداننا من كـل علـه صحيحـه
صاحين صافين المشاريب واشراف=ماناكـل المتـرديـه والنطيـحـه
وصلبين في وقت الشدايد وعـراف=منا المشوره واختيـار النصيحـه
وان ثارت الهيجالنا وسط واطراف=وجه الحريب نقنعـه بالفضيحـه
واكرام لو يلحق بنا نقص وخلاف=نملا الصحـن ونلحفـه بالذبيحـه
يوم السنين الماضيه حيل وعجاف=ينقر لنا من هبـة الريـح ريحـه
والعيشه اللي تدبل الكبـد تنعـاف=النفس عن ما تكرهـه مستريحـه
دنيا تموج ولا رسمنا لها اهـداف=ياما تحتها مـن فعـول ٍ قبيحـه
تجهز الغازي وتسـرع بالانكـاف=ولا تنكف إلا بالفلـس والقبيحـه

اتمنى ان الطرح حاز على رضاكم

تحيتي

من روائع /خلف بن هذال العتيبي

آخر تعديل "بندر العصيمي" يوم 12-Aug-2010 في 05:33 PM.