العازمي
عافت العين من طبع الثبيتي ودوره = ماملا الكف غير من الطواقي واهلها !!
الاسود النموره من ظهور النموره = باقيه فالحجاز ورحمة الله آملها!!
النشمي
الثبيتي ترى روحه عليكم صبوره=رافع الراس والجهال تتبع جهلها
انت ماطعت شور اللي عطاك المشوره=العرب ينطحون القوم وانت اتختلها
العازمي
بروزولك مع اهل الفكر 20 صوره = كل ماصار حاجه تحسبنّك بطلها!!
النفوس مغروره واليدين معثوره = والعرب ماتماري غير باللي عدلها!!
النشمي
انت حطوك ريس حزب واعلنت ثوره=مار مايرتكي للحمله الا جملها
يابن عاصي ترى كلمتك فيها خطوره=كلمةً فايته لكن دور بدلها
العازمي
من سترها على ايام الجهل ستر عوره = معه كبد البعير وصطوته قلب بلها!!
عشت فالبرد وان مرّك زمان الحروره = تعرف اللي بعزمه كل حاجه وصلها!!
النشمي
الديار معموره والبيوت معموره=من نقض حجةً صعبه بعرفه فتلها
الغدا من صلاة الصبح فاحت قدوره=والعشاء طاح وصقور الجبل في جبلها
العازمي
العرب تعرف اللي مايجمل حضوره = وراعي البل قبل وقت المزاين سملها!!
مابقي من عشا سرحان ياكود سوره = يكفي ايتام بقعا عام واللي كفلها!!
النشمي
لاتذم الك شيخاً وافياتاً شبوره= كل نفساً تذوق الموت لو طال اجلها
الله انه يعز الدين واخوان نوره=والمخاليق يوم الحشر تلقى عملها
العازمي
من حداها على الدرب الوعر والوعوره = مايبا منك موعظةٍ بــ/عرفه قبلها!!
الوطن والسعود النفس فيهم فخوره = وان بقي في هجوسك كلمةٍ غير قلها!!
« آخـــر الـــمـــشـــاركــــات »
08-Aug-2010, 10:58 PM
العرض الشجري