قصيدة رثـــاء للشاعر الكبيـر فيحـان بن غيـلان الزعتر في اخيه تركــي الزعتر

[*سعود الرووقي*]

قصيـده رثــاء لشاعر قبيلة الاسـاعده فيحــان الزعتـر في أخيــه الفقيد الغالــي تركــي رحمـه الله واسكنه فسيح جناته ..

اترككـم مع القصيـده .,


ياتركـي الغيــلان بقــول وارثــاك
ودمــوع عينــي فــوق خدي تهلـــي

والله مدري كيف بقــول وارثــاك
من واهـج في الصدر قلبي يملـــي

لــو البكــا يفيد حنــا بكينــاك
ميـر البكــا للمشكلـه مايحلــــي

المـوت لو هو بـاع هنا شرينـاك
المــوت منـدوب الفنـاء مايخلــــي

المـوت حق ومـاوطا الناس ياطـاك
واللـي يلــذ لخـاطـري ماحصلـــي

مضيـت عمر ونالت المدح يمنـاك
متـفـوق بالمـرجـلـه ومتـعلـــــي

حـل الرحيـل وقربولك مطايـــاك
خليتني ياخـوي ودمعي يهلــــي

وحـل الفراق ولابقى كود طريــاك
احــزان قلبـي للضمـاير تتلــــي

يالله ياللي كـل خلقك ترجــاك
ارفع لك الكفين واسجد واصلــي

تفتـح لـه البيبـان رحمتك ورضـاك
فـي جنة الفردوس عندك يحلـــي

القول تم وكل ماقول برثــاك
الصـدمه الاولـى تفـوت وتزلـــي




لاتحرمــونـا مـن ردودكــم .,