خلال أربع نسخ من شاعر المليون

[حمّاد العبيوي]

حتى لايساء الفهم أنا أقصد الشاعر عبدالله بن حديجان السميري وليس سميه المطفوق .








إما هلال المطيري فخذ عندك هذه القصيدة الشامخة , وعطنا خبر ولاتعتمد على اللجنة التي تدار بالريموت كنترول لأهداف تخدم خطة البرنامج فقط ولاتتعلق بالشعر مطلقاً .




هذه القصيدة :



على شاطئ الراحة ردم للحياة خيال = تكاشف بروقه بس ماعله الهملول
على وين ياللي تحسبن الشعر موال = ترى كل قولا لو تقوله قبل مقيول
تحاول وانا احاول على فرصة المدخال = مع الباب لو الباب من قبلنا مدخول
عسى الصوت واضح كثر ماتاضح الأحوال = في وجه الشوارع لانفتح بابه المقفول
كثر ماالكلام نحس له في الصدور إغلال = كثر ماالغضب يلبس من اقصر رضاه سمول
لو الحزن دمعه مالقينا السنين ثقال = غفرناه حتى لايصير الفرح مقتول
تفوح الصدور ولو تفوح الصدور اذلال = مابشت على اجباه الضرم غير هذا القول
افا يالخليج الناس هاذي مشتك اطفال = وعليهم تفح بمركضك وانت كلك طول
افا يالخليج الناس هاذي عطتك رجال = وعليهم تشح بالولوك وانت كلك لول
افا يالخليج الناس هاذي فدتك ابطال = وعليهم تلح وعودهم يابساً له حول
افا وش افا لو انها بالوفا تختال = على الواقع اليائس من الساعد المفتول
افا لو نكرررها لشطك لقيت الجال = رمت كل موجه منه خير وعطا وحلول
ربض عندنا عالم وراحوا وهم عمال = غنين واهل الدار تاكل من المعمول
يزول العمر والمال والا الشعر لازال = حديث القلوب اللي نخاطب به المسؤل
لنا في قيادتنا طموح ورجاء وآمال = مثل مالهم فينا الولاء عطفهم مأمول
بهم مجلس الافعال يشهد على الافعال = ولهم فوق مدلول العطاء للرخاء مدلول
تقف للرياح العاتية في الزمان جبال = مثل مايقف المعضلات الجسام زحول
نبي موقف شامخ تفاخر به الاجيال = ويسبق به التاريخ مستقبل المجهول
ترانا غدينا لعبة بين لعبة رجال اعمال = ذبحنا الغلا والناس ماتشرب البترول











وهذه القصيدة الثانية :




القدر والارض جوعانه وابن آدم من الخالق مدبّر = والليالي تقودنا للقبر والاسباب نركبها مطايا
والزمن مايكتنب الا الفعل والتاريخ عمّا صار عبّر = والفهد مهدي مع الايام للتاريخ من فعله هدايا
احترامي للمقام وللضمير اللي عن التاريخ عبّر = واحترامي لاربع وعشرين عاماً كلها خير ومزايا
يبتديها البوح وحروف الكلام تطيح لي ماتنتجبّر = قبل امدّ الشوف في صدري واشوفك حي وعروقي ملايا
كن صوتي وادي بصدري عليه الغيم من فعلك تزبّر = والوفا والمجد سيلاً فرّع عروقي معه شعب وشغايا
فيك احس الحرف شخصاً كل مايقبل واناديه يتكبّر = في حضورك من كبر قدرك وربي عالم بكل الخفايا
انت مرعب للجهَل والجهل ذيبٍ لاعوى واقبلت دبّر = عقب حكمك من يلوم المدن لاصارت تغار امن القرايا
كل شبر من ارضها نخلة ولاباقي بها قاعاً يشبّر = والسعف ماكنه الا يضرب لشخصك على دعمك تحايا
نهضهةً وانته مأسسها بها كل الحضارات اتعبّر = مالها الا اسمك , وشخصك غير , ماجا له شبيه ولا حلايا
وانت حاكم كنت حكمة للحكم والناس من حكمك تدبّر = واالحروب تذوب قبل تجوب من حنكتك وتعود زرايا
وانت ماتستقبل ضيوق انت تستقبل شعوب ومن تخبّر = شعب يلقى شعب والترحيب مثل الطيب في كل الزوايا
والمصايب كنها الفنجال تشربها لامن الوقت غبّر = ماتقول الا انت قد القول وايامك عن افعالك مرايا
خادم البيتين مابه مسلماً وسط الحرم هلل وكبّر = غير يدعي لك وندعي لك وتدعي لك بعد كل البرايا
احترامي للمقام وللضمير اللي عن التاريخ عبّر = واحترامي لاربع وستين عاماً كلها خير ومزايا






وسلم لي على فهمك .