العــــازمي
مالك يالاصعر غير كيف وريح هيل وزعفران=إن كان ضدّيت العدا باللي ينومس حدها!!
وإليا مسكت عنانها حاول تطوّل فالعنان=قدّام خدّك لاينوش الحزم والا خدها!!
الأصعـــر
تراك تعرفني ياعيد العازمي ماني جبان=والحظ عمّر للبيوت العامره ماهدّها
يوم انحدار عتيبه الهيلا على ديار قحطان=ترى حمول الخيل عزوتها ب/عاضي جدّها
العــــازمي
اعرفك في في شهر الضحيه ماعرفك شهر رمضان=لكن معك القوم من دون الجبال وسدها!!
ليس الفتى من قال ابي كان وتعلّى حيث كان=النار ماياطا سناها غير رجلٍ قدها!!
الأصعـــر
انا ماذم اهل الوفا والطيب ,,,, بس اخر زمان=اشوفلي ناس تبى ترقى الجبال,,او ودّها
مير الرجال يعقّبون رجال مايخلى مكان=اهل الشداد اللي تمد الجزله وتمتدّها
العــــازمي
المحزم الفاضي يعوّد صاحبه رعّاي ضان = واللي كذا لامن غزو واجب علانا ردها!!
نصبر شهر ونقول ابن ثعلي رزقه الله خوان = والا نميّز من هنا مزح العرب من جدها!!
الأصعـــر
لكن انا في محزمي ماشيل غير الجبخان=( واللي محازمها بلا بارود ليش اعدّها )
تقولها واسمك ماشفته بين الاسماء فالبيان=لا تبلش العالم بنفسك هد نفسك هدّها
« آخـــر الـــمـــشـــاركــــات »
30-Mar-2010, 09:15 PM
العرض الشجري