وانته عريب الجد يا معرب الساس=ولا انته من اللي عودوا للمضامي

[واثـــق]

قصيدة للشيخ/مشعل بن نافل بن محيا موجهة للشيخ/معزي بن مقعد بن صايل

البارحه ليلي قضيته بهوجاس=اقوم واقعد ما اهتني في منامي
اداعب الاريا بالارباع واسداس=لين الدواير باشرت للدوامي
كني سجين خافرينه بحراس=قد وقعوا صكه بحكم العدامي
ما عاد له قدرة بحيلات الاتعاس=يبا المنير ولا حصله مقامي
على الذي خده كما لون قرطاس=ابو نهيد مثل تفاح شامي
والعود عود الموز لا هب نسناس=قام يتثنى كن غصنه ينامي
واليوم يا معزي ترى الناس للناس=ولا يكشف الغرات كود الحرامي
انخاك حيثك للمهمات مدباس=اركب وجهز جاه واشرح كلامي
واشرح تراني يابن الاجواد محتاس=ولا لي جدى ياكود رد السلامي
ارسلت عساس ورديت عساس=وجوني ولا جابوا رفيع المقامي
وانته عريب الجد يا معرب الساس=ولا انته من اللي عودوا للمضامي
الفعل باليمنى نبي نرفع الراس=واقيام مع قدره وهذا ختامي
صلوا على المختار من جملة الناس= اعداد من صلى الفرايض وصامي