( زبن الدخيل )

[محمد بن رشيد]

قصيده مشاركه في حفل زواج الاخ فايز بن طايل الزراقي وابنائه

مشاعر الشاعر تراها نوب = في صوب وبيوت الشعر في صوب !
ماهي بدايم جاية ٍفي طوعه = احيان كنه فوقها مغصوب !!
واحيان يمّه من غلا منساقه = كيف ٍ من ادلال الفكر مصبوب!
وانا ليا من جيت ابا واعدها = قامت تواعدني وعد عرقوب !!
دايم وأنا عيني على طيّبها = وابديلها في عاليات النوب !!
وأوليلها جلّ أهتمامي كله = من شان مايلقابها عذروب !!
شرّد وانا ماصيد غير الشرّد = والادمي ماله عن المكتوب !!
وان جات لي على مابا واريده = كسيتها بشت وشماغ وثوب !!
دايم تجملني وانا جمّلها = وحبر القلم لجل القصيد ايذوب !!
عشاقها واجد وانا من اولهم = ولاهان راس الشاعر الموهوب !!
وميقافها مع من حمى ميقافه = اتبعّد اهموم وتفك اكروب!!
والشعر من عهد النبي واصحابه = حسنه للانفس دايم ٍ مرغوب !!
ارسالة ٍ عظمى ومنهج سامي = وكم حلّ له من معضله وخطوب!!
وكم جمّع من اشتات كانوا فرقه = متشتته وألّف مابين اقلوب!!
وكم من رقاب ٍ معتقه بأسبابه = وايخلص الطالب من المطلوب!
وكم فالسنين الماضيات الاولى =اوقف معارك تطّحن واحروب !!
وفي وقتنا الحاضر بقي له باقي = لو انّ صبره مثل صبر ايوب !!
زادوا شواعيره على جمهوره = مذنوب ياشعر النبط مذنوب !!
مع وسع باله لو ابا اوصف شكله =ثوب ٍ بلا كموم ووسيع اجيوب !!
احدٍ على جسمه ضبط تفصيله = وأحد ٍ ليا لبسه طلع مقلوب !!
وان حلّ في وقته وفي ميعاده = بيمناي فنجال الشعر مشروب!
الله يجملني واجمّل ربعي = وفالماقف الغصاب اقف وانوب !!
العزوه اللي تحتمي ماقفها = وللضيف دايم ضوهم مشبوب !!
ربعي عزاتي عزّ منهم ربعه = ميقافهم وقت الطلب محسوب !!
زبن الدخيل اليا زبن فـ . أحماهم = وعليه من جور الزمان اذنوب !
يلقى الامان ويسترد احقوقه = وبعد زبنهم ماهو أبـ .مغلوب !
هذا اسمنا اللي فعلنا يشهدبه = ونور الحقيقه ماهو ابمحجوب !
وفزعاتهم وقت القسى معروفه = يوم الجزيره ناهب ومنهوب!
واليوم في وقت الامن والطاعه = حازوا على العليا بطيب اسلوب !!
في ظل حكام الوطن واسياده = اعيال من وحّد وطن واشعوب !!
عبدالعزيز ومن حكم من بعده = الين حكم العادل المحبوب !!
مليكنا وايمامنا عبدالله = طليب قوم ٍ حقهم مسلوب !!
دون العروبه وألـ / قضايا الامه = راسه من اجل احلولها معصوب !
كل العرب تشهد له ابمجهوده = وغاث الفقير وساعد المنكوب !!
ونادى بلم الشمل فالمعموره = وبنا العروبه مثل بني الطوب!!
وابحكمته واخلاص منه وعدله = اضاء له ظلمه وأنار أدروب !!
في دولة ٍ تحكم بشرع وسنّه = ( حي ) الوطن والشعب والمنصوب !
وفي حفل ابو تركي وحفل اعياله = رحبت بأسم امكمّل الماجوب !!
بضيوفه اللي جوه تقدير ٍ له = من كل دار وكل حدب وصوب!!
وتقدير لرجال الوفاء والطاله = من بعْد جاء من يمّهم مندوب !!
من جاء هلا يامرحبا بحضوره = ومن راح بورود الغلا مصحوب !

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com