للشاعر حمد السعيد

[فهد حمود]

السلام عليكم ورحمة الله وبركاته


.. صباح المحبه لكل الأحبـه ..


.
/
\
.

الشاعر .. // حمد السعيد // ..


شاعر رائع .. بروعـة قوافيه ..


وع ـذب بـ/ ع ـذوبة انهـار حروفه ..



هنا وبين ايديكم .. انقل هـذهـ الجزله ..


.. // ألا ياقلب // ..



.
/
\
.




الاياقلب لاتشـره عليـه ولـي متـى غيـره ؟
يغيـب براحتـه خلـه يـروح بعالـم النسيـان
.


كفـاك تـدور أعـذار لغيابـه فضهـا سيـره
تماديت بغـلاه ومـن تمـادى بالغـلا خسـران
.


ابـد مافيـه بالدنيـا بشـر يستاهلـك غـيـره
يغيـب ولارجـع ماكنـك الا العاشـق الولهـان
.


انا ماقول لاماقـول منـت بشايـف (ن) خيـره
وانا مانـي بقايـل صاحبـك وافـي ولاخـوان
.


يقولون القمـر لاغـاب يضوي لـه علـى ديـره
وانا اقول الحبيب ان غاب يضوي له على خـلان
.


اجل شـ/اسباب هاالغيبه وابي شـ/اسباب تأخيره


وابي ليه الجفا ياقلـب وانـت بغيبتـه حيـران
.



شهر واكثر ولاطـرش عـن غيابـه معاذيـره


ياليتـه لوتعـذر بالظـروف ولا يمـه غلطـان
.






تعبـت ولاطرالـه يتصـل قـل علهـا خـيـره


وش انت متعب (ن) حالك على واحد قليل احسان
.







يجي ميت ولـه لامـن شكـا وقتـه وتعزيـره


وإذا قفى على وجهه حبيبك " ناقـة عريمـان "
.






اقـول انـه موالـف له بشـر خلاك تقزيـره؟


واقول انك على هامش حياته مابقى لـك شـان
.






مع اللي ماله سبوق اتركه شف واحد(ن) غيـره


وانا شوري عليك تلحقه فـي سبعـة الشيطـان
.






ذبحـك الطيـب ياقلـب تعـذب مـن مقاديـره


يعن كنك خفوقـي خابـرك ماتعـرف النكـران
.






تقاضـى لعنبـو جـد الغـلا ماتنفـع الـذيـره


ترى من لاتقاضى ياخفوقـي هالزمـن ينهـان
.






حبيب (ن) ماصفى لك طيع شوري بـدل بغيـره


وانا شوري عليك تلَحقه فـي سبعـة الشيطـان









كل الود والاحترام