أحمد المالكي=
سلام الله على الهيلا علم من فوق راسه نـار=وانا ادري بالقبايل والمناطـق وأنتـم عتيبـه
تفضل ياسحيم وفي هذا القوليـن وش تختـار=على شان ازهمك باسما تقوله وانت راضي به
سحيم العصيمي=
هلا يامرحبا ترحيب ينفع فالزمان الضار=لكن انته نظامك غير عن طرقً تغنيبه
انا ماني مفتش في ضميرك والقلوب اسرار=وشيً من نصيبك روح ابه واحذر تجيني به
أحمد المالكي=
يدوم لك البقاء وآبشرك سالـم مـن الاضـرار=ودربـا تعبـره ياصاحبـي ماعنـه تجنيـبـه
مع اهل الباحه أقرا في المصادر واسمع الاخبار=ومن يدري عن المعنى مصيبه واكبـر مصيبـه
سحيم العصيمي=
انا بنشدك عن راع الكلام اللي علاه غبار=توافق رايه المطروح ولا منت داريبه
ليا منه تعذر منك هون واقبل المعذار=وكانه ماتعذر منك قصص روس اشانيبه
أحمد المالكي=
حسافه ياحسافه جيت ابانشدكم وش اللي صار=علامك تحسب اني ضيف في حكمة معازيبه
آبآعلمك لا تخطي ولا تقفز علـى الآسـوار=وشـيء ماتعرفـه لاتقولـه وانشـد الشيبـه
الله الله
صحت الالسن والقلوووب
« آخـــر الـــمـــشـــاركــــات »
العرض الشجري