سعد العصيمي=
يامرحبا ترحيب يوخـذ منـه مايوخـذ عـلاه=ثلثين للعتبان واخـر مابقـى دفعـة بـلا .. !!
يالعوني البارح كتبت اسمك على جنـب الصفـاه=واليوم ابكسرها على راسك واعرضّك الخلا .. !!
العووني=
ياللي ترحب هكـذا ترحيـب والله مانبـاه=الحرب لادرات رحاها لاسـلام ولا هـلا
لو العصيمي جاب مادونه وجاب اللي وراه=ساعة زمن تكفي نحطه مسخرة بين الملا
سعد العصيمي=
كلمتك منقوده عسى يلصق لسانك في جمـاه=لكن يالهشلان وش دخلك في سوق الغلا .. !!
قالوا جمل واشوف راسه مار جلده جلد شـاه=وانا اتحلى منظرة مالقى حليـه فالحـلا .. !!
العووني=
اللي تبا تعصاه قد حطك تحت فيّه عصـاه=اليا متى يالقمة الجوعان لوحـوش الفـلا
سعد العصيمي=
ياذيب اخوك الذيب دربالك على دربك حصاه=جنبتها مكسور رجل وجاك نجمن منزلا .. !!
ياراعي الخوه خوا جنبك ووراسك من قفـاه=كم واحدً قدام تالد شب ناره وانصـلا .. !!
العووني=
هـذا الكـلام اللـي يمـر ولايشـد الانتبـاه=اثرك سواة سعود مامن فـود ياكـاف البـلا
ماني خوي اللي حياته ترخص الوجه وحيـاه=فيه الوصوف اللي بخمس حروف فالوجه دخلا
سعد العصيمي=
هذا كلام العقل ياللـي تاكـل التمـر ونـواه=وش يفهم المجنون لاخاطب من الناس عقلا .. !!
اليـا تعـدا عمـرك المحتـوم لاتركـض وراه=هذا النصيب اما في وسط القلب ولا فالكلا .. !!
العووني=
ماانته بمقنعني لكن اربض تحت كم العباه=ابا العلاء ماني مصدق فيه ياصل للعـلا
انا ليا جات الضحية قلت تبشر بالذكـاه=اخوك قبلك عانه ( يشم التراب مكبـلا )
سعد العصيمي=
يالعوني اللي ماتحوز العود الاسود عن لحـاه=اباالعلا حاز العلا ولا يدورلـك ولاء .. !!
يوم الضحية نطلق المفرود واكلو من خصاه=طعامكم ياهل الخصا وان حرموه محللا .. !!
« آخـــر الـــمـــشـــاركــــات »
العرض الشجري