العمــــــدة
يا معجب اقرب جاي وانت بعير وبطانك وسيع=فيك ابركه والا اكثر العربان مافيه ابركه
النشرة اللي في قناة الهند يقراها المذيع=وشلون تذكر سعر ماهو سعر نفط المملكه
معجب العتيبي
ياللي تدوّر للهجيني ماتبا الطرق السريع=اكيد تقريرك مقدم عن ضروف المعركه
لكنّ يارجال. يامعروف بالذوق الرفيع= اللي يجوز الك اقبله واللي ماجاز الك اتركه
العمــــــدة
كيف اتخيّر والرعاة تحول من دون القطيع=اللي تعافه تطلقه واللي تحبه تمسكه
لو ان شالح مع هل الديرة عرف قدر الفديع=لكن ما يذكر من اقصى نجد حتى مدركه
معجب العتيبي
امانة الله. فطرة الانسان لايمكن تضيع=وانا اعرفك رجال واعي ماتحب الفبركه
حبل الوصل بين الاهل مايقطعه سيفٍ بتيع=لكنّ شفلك درب ثاني يالعتيبي واسلكه
العمــــــدة
اسبح بحر ياللي على الشاطي من الصفرة مجيع=واليا طلعت من البحر باقي عليك الجمركه
اقول ما ثمنت سعر البارجة ياحمد قريع=وانته غديت مع الفلول المسلمه والمشركه
معجب العتيبي
الله على الغواص جاب من البحر شيٍ فضيع=شيٍ فضيع وكل خلق الله تمنى تمسكه
هاذيك مثل الزبد ماتبطي مع الشمس وتميع=احذر يابن ثاني ترا الدنيا غرور ومهلكه
العمــــــدة
من طيب راسك ما شعرت بضربة السيف البريع=لكن لابدك ليا راجعت حظك تدركه
ثوب اللكاعة ما يليق الا على جسم اللكيع=اما قطعت الراي والا خل عنك اللكلكه
معجب العتيبي
امشي على وضح النقا ولسنة الهادي مطيع=مارحت ادور في دروب اللكلكه والشكشكه
ماضاع حق اللي شرا ماضاع حق اللي يبيع=وان كان في خشمك عرام الخشم بالكف افركه
العمــــــدة
وقفت في سوق الغلا ودّك بما لا تستطيع=تشوف لك سلعة ثمينه سعرها ما تملكه
ان ما بديت الرجم ما يحتاج تسبر كل ريع=يا ذا البعير اللي ثقل حمله وطوّل مبركه
معجب العتيبي
حققت مالايملكه غير الشجيع ابن الشجيع=والصعب في دنياك عندي سهل جدا واحبكه
السيف لو انه مكانه بان له لون ولميع=والحر طير وحر لو يمسك ويشبك بشيكه
العمــــــدة
انته عتيبي والعتيبي ماهو حويّر ربيع=لكن مدري وش جرا لك مانشوف لك حركه
لا صعبت الفتوى عليك ارجع لقول ابن منيع=ماهوب لازم لا عسرك العلم تقعد تعلكه
معجب العتيبي
يالعمده الشايب ماهو مثل الوليد اللي رضيع=والا عميلك مايهاب وكل علمٍ يسبكه
رجوعنا للشيخ مايحسب لنا فعلٍ شنيع=العيب نترك كل فتوا ثم تصبح فكفكه
« آخـــر الـــمـــشـــاركــــات »
24-May-2009, 11:18 PM
العرض الشجري