يقول كديميس في تعاون شعراء حرب في نظم القصائد عليه
سرياقلم وأكتـب كلامـن مذهـب=مثل الذهب يذهـب كـلام اللعوبـي
رد علـى خطـن لفانـي منـجـب=متجمعلـي فيـه شلقـت حروبـي
قامـت بعاريـن السوالـم تلاسـب=برد عليهن الهـواء مـن جنوبـي
وتحزبت مسروح فزعه علـى غـب=شافوا بني سالم تسـوي حزوبـي
بقارت القصمـان سـوت تعصـب=اللي قصد واللي يقـول أحسبوبـي
و
كل واحد قام يطلب مـن رفيقـه شـوره=والحويفـي قـام يطلـب نجدةالخرقـاوي
وفي احد القصايد تعاون ثلاثين شاعر من حرب في نظمها ضد كديميس يقول كديميس
تحاموا علي وحطوا العـود جنـب العـود=مثـل رفـدة المحتـاج كـل ٍ علـى قـده
ثلاثيـن شاعـر كلهـم للدفـاع جـنـود=ولا منهـم اللـي للعصيمـي وقـف نـده
وهـذا دليـل ان الوهـن بينهـم موجـود=ولو جاء حداهم في شفى الريـع ماسـده
ويقول كديميس في تعاونهم لنظم القصيد
مساكين ٍ تناغـق ينغـق الأجـرب مـع المجـدور=ومرضكم من غشيشات المسـاري واقـر ياقـاري
انشيتـوا حجـة ٍ عميـا ويتبعهـا شـهـادة زور=وكـم واحـد عليكـم صـار زاري واقـر ياقـاري
وكذلك
سـر ياقـلـم واكـتـب الكلـمـه لقاريـهـا=حــط المسامـيـر بـاولـهـا وبـاخـرهـا
يشـرق بهـا حـافـر الحـفـره وغاطيـهـا=وكـم حفـرةٍ سوهـا مـن حــظ حافـرهـا
مـن يـوم حـرب ارسلـت يمـي دعاويـهـا=عصـاعـص المذيـخـه خــور مخـورهـا
تعربـدت حـرب نسمـع صــوت حاديـهـا=مـثـل الـدراويـش داشـرهـا وفـاجـرهـا
شعـار حـرب طلعـت لـي مـن ملاويـهـا=كلامـي الـلـي لـفـى الشـلـه معـورهـا
وكذلك
ولو كثروا الشعـار مانـي بهيـاب=يطوفـنـا القـصـاد والا نطـوفـه
جانا الكتـاب اللـي بتوقيـع كتـاب=وعلى التلخبـط مغلقـات ٍ زروفـه
متجمعن لـي فيـه كـاذب وكـذاب=ناس ٍ على سـرد الكـلام مهروفـه
الشله اللـي بيـن صانـع وقصـاب=ماهيب من صلب الحروب محفوفـه
وكذلك
جانا شريـط ٍ ممتلـي بالفزوعـي=يحمـل كـلام مقطريـن الأباريـق
يزاعمون الروس لوهـم جذوعـي=ويلزقون الحكـي بالصمـغ تلزيـق
وكذلك
ياقلمنـا عـن وعـدهـم لا تغـيـب=لايقولـون العصيمـي ليـش غــاب
دام داع الشـلـه العمـيـاء يجـيـب=ياجـب انـا مانكـون مـن الغـيـاب
بلـغ الشلـه خطـاب ٍ مـن خطـيـب=والخبر خابـور فـي وسـط الخطـاب
ولـو تـرد الـك النقـا شلـة حبيـب=لايهمـونـك مـضـيـرة الـكــلاب
ولـو عددهـم زاد حاصلهـم قـريـب=لا يهمـك دبـك غــدران الـسـراب
وكذلك
جانا الكتاب اللي على الظلـم مشبـوك=متجمعلـي فيـه شلـقـت طـراقـي
فيه الكلام اللي على الهجـس مسبـوك=والـكـذب والبهـتـان والاختـلاقـي
سبق زعجـت ألهـم هدايـا سنبـوك=وكسيتهـم غيـر العمايـم طـواقـي
راي كديميس في هؤلاء الشعراء احتقار لهم
كـلا معـه تفكيـر ولسـان وحنـوك=لكـن فـي وزن الـكـلام أفتـراقـي
وأحد هذور وضامـر الـلاش مفكـوك=تلقـاه فـي لمـت حروبـه يخـاقـي
لاخصمـن خصمـه ومعنـاه مركـوك=لرجم الشرف مهـوب ويـا المواقـي
وايضاً
نقدر نماشيهـم علـى كـل نوعـي=وطول المدى يتعب ردي المسابيـق
النـار يحييهـا جزيـل الولـوعـي=ونقض الحجج يبغى حقايق وتحقيـق
وانا اليا قلت الحجج يـا الخموعـي=عندي من التاريخ حجـه بتصديـق
والا انت تايه في السراب اللموعـي=مالك رصيد وتجمع الحكـي تلفيـق
وكذلك
نقض الحجج ماهوب كد التواليت=يحتاج مفـراصٍ يعـرف الدغايـل
لاتحسبنـك يالمهسهـس تقاضيـت=لازال في صدرك جروح وملايـل
ولاتحسب الدعوى علـى ماتمنيـت=لو سرت ولا طرت مانتـه بنايـل
شايعة من مركز صنمهم بتكريـت=وسرا بك الجاثوم وانـت متفايـل
وتنام وانت تحت راسـك دناميـت=وللي على الاسلاك يابـس بلايـل
كذلك
كان حرب ارق لبها قـاف الذريـف=وقام شاعرها من الحسره يسـوف
واسرجت كور الاديب مـع العسيـف=الوعـد قـدام والغـوج معسـوف
وكان جوا بالعنف انا رجل ٍ عنيـف=لا امتلأ الميدان حـاذف وامحـذوف
لا تحـدوا مانعـود فـي قصـيـف=باعنا لاجـا المبـاوع فيـه نـوف
كذلك
مـن يـوم حـرب ارسلـت يمـي دعاويـهـا=عصـاعـص المذيـخـه خــور مخـورهـا
تعربـدت حـرب نسمـع صــوت حاديـهـا=مـثـل الـدراويـش داشـرهـا وفـاجـرهـا
وكذلك
للي يطرش لـي الاخبـار ملغومـه=اجابتـي واضحـه مانـي بدلغمـهـا
روبج بهـا لقمـةٍ دسمـه وميدومـه=وتدور مثل الرحا في بطـن لاقمهـا
كوية نكب عن كلام الزيف معصومـه=وان كان ماتسمـع الابيـات تطعمهـا
وكذلك
كلن على صوت المسجـل تـدردب=يقول هاتوا محقن الصوت صوبـي
وبابورهم خاطر وشـرق وغـرب=من الخليـج اليـا المدينـه يلوبـي
وكذلك
وش عاد لو يومي الحربي بمخيولـه=يطويه في الملعبـه جنزيـر لولبهـا
خله على شان يثوي اللاش بحمولـه=ليا صار بين الضلاف وغاص شاذبها
يسحب على جرته لانحاش هدمولـه=ويخفي مماشيه حتى لايقـص أبهـا
غنيت لي كلمة ٍ تفـرص ومعقولـه=من سمعها مايكـذب قـول لاعبهـا
ومن عقب قلت الكلام وبان مفعولـه=اشـوف جيرانـا قربـت حضايبهـا
ارقل بها الغيض والانـذال مرقولـه=كم شاعر ٍ قبـل كلماتـي معذربهـا
وكذلك
الكل منهم سفـط بشتـه لكرسوعـه=وقصائده فـي ألات التسجيـل لعلعهـا
شرطـان الانـذال مشريـه مبيوعـه=وحطواعلى الطرق سمسـار يوزعهـا
وكذلك
كمـن المعانـي قدمهـم بابهـا مسـدود=لكن العقـول ضعـاف وعيـون منسـده
وسمت اخصماي بميسم ٍ له عكب وعقـود=يموت الخصيم ورسم وسمي علـى خـده
وكذلك
كـل مسكيـنٍ مغـط بمسجلـه حنجـوره=وقام يضبح في عروض الناس مثل الواوي
منهم اللي مـات حيلـه وانطفـأ دافـوره=ومنهم اللـي بالمـلاوي لايـزال يـلاوي
كل واحد قام يطلب مـن رفيقـه شـوره=والحويفـي قـام يطلـب نجدةالخرقـاوي
وكذلك
العصيمـي دعيتـوه وحضـر=وفي المحاضر كلام الحر حـار
والمعاني لهـا بطـن وظهـر=ولا تصير البطون بـلا عشـار
وخصمكم معه مفـراص ذكـر=ضربته بالبدن تحـدث مضـار
ضربته ماتموج عـن الصـدر=ولا يرده عـن القلـب الستـار
وكذلك
ياقلمنـا بالجراحـه عالـج المجروحـه=وأنت يعرفك عنك معنى الكلمه الجراحـه
خط بالخط العريض الكلمـه المملوحـه=لين يفهم الغشيـم وصاحـب الفصاحـه
ودام يستقبل جهـاز الشلـه المكحوحـه=كـل واحـد عالجـه بالكيـه النجاحـه
من بسط كفه عطه جزواه فـي نحنوحـه=وكمل الوزنه لاهل مزنه وحـط أرجاحـه
وسلك الدرب الذي واضح سناه وضوحـه=وخلى حرب بغيها تمويبهـا المراجاحـه
وكذلك
سر ياقلم واكتب الكلمه وانا ابرقهـا=فيها كلامـن جديـد لايقـن ذوقـه
برقيتـي برقهـا قــدام بيرقـهـا=تخلي قلوبن دخلها الريب مرهوقـه
تاصـل الشلـه العميـا بخندقـهـا=والكل منهم عليهـا رقـم صندوقـه
الشله للـي تجمـع لـي مطارقهـا=لكن بحبـال لـوي العنـق مخنوقـه
ولكن بعد ان افحمهم كديميس لوحده وهم اكثر من 50 شاعر يتعاونون في نظم القصائد ضده تطامروا لامارة القصيم والرياض يقدمون فيها الشكاوي عليه
« آخـــر الـــمـــشـــاركــــات »
14-May-2009, 02:56 PM
العرض الشجري