نحارب الارهاب واللي دعاله

[خلف بن مرزوق]

اللمملكة دار الفخر والجمالة= شعارها التوحيد من تحته حسام
دارٍ وقاها الله جلّ جلاله= وايضاً رزقها بكل خيرات وانعام
مهبط وحي" مهد النبي والرسالة= في غيرها بالارض مايلبس احرام
حكامها اللي يحكمون العدالة= اللي كتاب الله لهم نهج ونظام
يقودها اللي كل حمل ارتكاله= من السياسة ملهمه ربي الهام
الصعب وبرايه يامسهل مناله= يسهر لراحة شعبه وشعبه ينام
الفهد مكثر من دعى بأبتهاله= انه يطول عمره اعوام واعوام
من التواضع عاف صاحب جلاله= واستبدله بأسمٍ على صدره وسام
اسمٍ على فعل وتراها دلالة= انه نذر نفسه للاسلام خدّام
عضيده اللي ينعرف بأعتداله= رحومٍ بشعبه على عداه ضرغام
ولي عهد الفهد كم حمل شاله= محارب الفقر وزبن كل منضام
شيخٍ حكيم وكم حاكم عناله= يطلب لرايه لاحتمى الموقف الهام
والنايب الثاني بعزم وبسالة= يقود قواتٍ لنا درع وحزام
تنفق يمينه مالا تعلم شماله= يما عطى المحتاج ابو كل الايتام
والامن بعد الله نايف حجى له= ذرى الجزيرة دام نايف لها دام
ارسى الامن والخوف عنها ازاله= والفتنة الحية قلع نابها السام
والشعب كله نايف اليا انتخى له= مثل الجسد متماسكٍ باعضاء وعظام
نحارب الارهاب واللي دعى له= بأيمان وايضاً بالشجاعة والاقدام
ويامدعي بالنور وانت بضلالة= يالمجرم اللي لابسٍ ثوب الاسلام
الدين بيّن من حرامه حلاله= لكنّك انته عايشٍ عنه باوهام
تكفّر المسلم وتعلن قتاله= من المنافق تاخذ اشباه الاحكام
انته على الاسلام عارٍ وعالة= بأسمه بلا مضمون ترتكب الاجرام
وشلون في دارٍ ربيت بضِلاله= شبعت من خيره وتزرع به الغام
لكْن تخسى عنه دونه رجاله= طواري وجيش وحرس وامنه العام
الامن نعمة بس صعب انحلاله= دعوة خليل الله بعد جاه من شام