حصريا: محاورة التحدّي والحماس ( زيد و حبيّب ) الجزء الثالث.

[محمد العتيبي]

احبابي الأعزاء أعضاء وزوار الهيلا ***منتدى قبيلة عتيبة.

إليكم الجزء الثالث حصريا .. من محاورة الشعراء ( حبيّب العازمي & زيد العضيله ).

زيد العيضيله

وزعوا كلكم معيه ورود وتهاني = يالعريفي سريت ورافقتك السلامه .
كل ماكنّ في قلبي يقوله لساني = والله اني على صدقي ليوم القيامه.

حبيّب العازمي

الحساني تراها تنجزي بالحساني = وانت ضيف كريم ولا لك الا الكرامه .
يحسب انه يعيش الرجل طول الزماني = مادرى انه لابد الدود ياكل عظامه.

زيد

انتهى العلم الأول مار به علم ثاني=والهدف ياابيض الشارب رقبة النعامه .
فيه ظرفٍ على بعض الدروب يحداني = لعنبوا لحيةٍ ترضى بدرب الرخامه .

حبيّب

انت فالخوف ولاّ في حدود الاماني=واصلتك الرساله في جناح الحمامه .
ماتحسف على مافات والعمر فاني = يالمطيري على المطران طش العمامه .

زيد

يارجال اللزوم وياطوال اليماني = الطمع في حلال المال ماهو حرامه .
اسمع العلم مني في خفا في بياني = اغطس البحر لو البحر تسعين قامه .

حبيّب

راعي العشر لو يضحك براع الثماني = ماتجيه القصور ولا تجيه الملامه .
دايم الجاهل يقول البلى من خواني = لين يبدي برجله فوق ريع الندامه.

زيد

ياعتيبي تسمّع للخبر بالاذاني = مايقرّب من الحمله بعيرٍ هلامه .

احسبوا بالدقايق واحسبوا بالثواني = كل خشمٍ عليه عرام يبرى عرامه.

حبيّب

اعرف اللي يبا يحصل وانا في مكاني = اتحدى مطير الثور تعدل سنامه.

ما عليّه من العدوان قاصي وداني = العتيبي رصاصه جاهزٍ في حزامه.

زيد

اكتبوها على الصفحه وانا ترجماني = ثم شرّه على اللي مايحط العلامه.
ياشريط الحديث اقهر شريط الاغاني= لا تسبب على الصايم ويجرح صيامه .

وللإبداع بقيه .. انتظرونا ..

التوقيع

للتواصل عبر twitter تويتر al_bargawy@