حاكم القوافي
الله الله والبلد عامـر ونـار القـوم حيـه=الله الله كان ابـه رجـال لايتـرك مكانـه
الله الله وان حصل مشكل ترى الدعوه خفيه=الله الله وان قضبت الشيك تأخذها ضمانـه
كبتن عتيبة
الله الله والسوالف من خوي اليا خويّه=الله الله والفصيح انقول صح الله لسانه
الله الله يازماناً راح وأياماً خليه=الله الله والسعد عساه مايقفي زمانه!!
حاكم القوافي
الله الله لو حصلك من هنا الدنيا شويه=الله الله قمت تلعب مثل لعب الخيزرانه
الله الله يالمغني ذمتي منكم بريه=الله الله دوبلماسيه بلا حصن وحصانه
كبتن عتيبة
الله الله والبلاد بخير والنيَّه مطيه=الله الله والاخو ماهو بجاهل في خوانه!!
الله الله والمحاني كم عن مقلع طميه؟=الله الله قيسها ياصاحبي وأنته تكانه!!
حاكم القوافي
الله الله والامور الطيبه فوق الرديه=الله الله كل شاعر يعتلي قبه حصانه
الله الله والله الله مابقى فيها بقيه=والله الله كل رجالن يقيم من بيانه
كبتن عتيبه
الله الله ..ماعليك من الزمان ولا عليَّه=الله الله..والكلام اللي نقوله بالأمانه!!
الله الله والله الله والنهايه بالتحيه=الله الله والله الله والعلوم تجيك زانه!!
« آخـــر الـــمـــشـــاركــــات »
09-Jul-2008, 08:40 AM
العرض الشجري