الكحل والروج

[سلطان الجـذع]

..
..

لو أن جمر العشق فالقلب وهاج =صدق المشاعر خيل وامالي سروج
أصبر وانا أصبر والصبر فيه الافراج =لو الجفا دربه من العام مسهوج
الوصل ياعذب اللما طب وعلاج =وسيف الفراق أبتع من السيف عمهوج
يطلبك ليلي وانت فعيوني سراج =ويطلبك قلبي وانت فضلوعي العوج
بعدك مجافي مسمعي كل هراج =وعيني جفت من حطن الكحل والروج
ملبسك من عسجدي النبط تاج =ومصخرٍ لك من بنات الفكر فوج
ياكثرهن باسمك حبيسات الادراج =غير الذي للناس مروي ومهروج
لولا الغلا مافاض لك جم هداج =ولابان لك فجرٍ من النور منسوج
وكان الرجاء ضاع بك ماعاد يحتاج =ولاني محصل من علاقتك منتوج
قفلت باب الحب كله بمزلاج =ونظم الغزل عذرت فبحوره الهوج
ماني مصارع بعد فرقاك الامواج =ياسيد البّحار والبحر والموج