رشيد الزلامي ومحمد السناني(محاوره)

[عبدالرحمن الهيلوم]

السلام عليكم ورحمة الله وبركاته


رشيد الزلامي ومحمد السناني(محاوره)
إليكم هذه المحاورة التي جرت بين ( محمد السناني ورشيد الزلامي )


السناني
الزلامي مرة شاعر ومرة مستشارلو كبير السنّ بعض الطرق ما تقبله
وإن نشدته قال لعلها تشتب نارجعلها في كل ليلة تفجّر قنبلة

الزلامي
الزلامي يضرب الحزم وايطير الغباروالسناني صار من مشكلة في مشكلة
ياجماعة خير وش صار مدري ويش صارالبصل والثوم ريحه بثوب اللي كله

السناني
لا تغبّر والمثل قيل ما معك اختيارالرجل ما يبحث الحاجة اللي تزعله
لا تبرّى وأنت واحد من الروس الكبارادخلوا في سلسلة واخرجوا من سلسلة

الزلامي
لا تولّعها ترى النار تالع من شراروانت ولد اجواد والشر معروفاً هله
البس البدلة وخلّك على باب المطاروان لقيت ابليس فتّش علوّه واسفله

السناني
طرقتي متبيّنة كنّها شمس النهاركل بيتاً ما يشرّف تراني ما ادخله
وانت خلّك يا الزلامي على مدخل شهارلا تجي إلا محتزم والجيوب امحمّلة

الزلامي
أنت وش دخّلك ما بين حلقي والزرارلين اثرت الشر بين العرب والبلبلة
الطوال ابخير مير المصيبة في القصاربسّ تالي الوقت كلاً يحاسب بعمله

السناني
أشهد انّ الشر جا من يمينك واليساركلّ ما حصّلت في ماقفك تستاهله
السيوف اقصار لكنها تقصف عمارانتظر لا ما تجيك السهوم المرسلة

الزلامي
موقفي واضح لكنّ انت معرف لك قراروالجميع ابخير واللي يناسب لك قله
يا السناني لا توقف على خط القطارأنت في سن ٍ مبكر وتبغى المرجلة

السناني
الجميع ابخير والوقت قفى واستدارالسما مخطور والأرض فيها زلزلة