قصيدة نوار بن سعيد الذيابي بمناسبة مزاين عتيبة الهيلا

[الذيابي (العطيف)]

هذا تنسيق متواضع للقصيدة





يا الله المعبود يا جزل الوهايب
دبرتك ورضاك في كونك تكوني
ماعليه من نظر حاسد وخايب
لامواصلهم ولاابغا ياصلوني
مع عريب الدار ماانظر للغرايب
ولااتلفت للمنافق والعيوني
المزاين مع عتيبة له كسايب
للقبيلة جيت حيث يشرفوني
الامل بالله وبانخا الاد ذايب
ربعي اللي للمنافس شجعوني
طيبهم خلاني اطمح للصعايب
عزوتي فيهم وهم فخري وعوني
أذكر الاقصين من دون القرايب
كل طيب جا فبالي ما يهوني
كل من راسه سديدً ما تسايب
عنه الموضوع مايصفح لدوني
اذكر الطيب فحزات النوايب
ومن ما عبرني ما جا صدري شحوني
و لا اتلفت غير لزحول الوجايب
الرجال اللي بلزمه يعرفوني
مثل ابو بندر ماهو عني بغايب
لانصاه العلم بالوقفة يكوني
و مع حنيف نجدد العهد بقضايب
و الوفا عسا اهله مايعسروني
لاجلهم شعار وجهت الركايب
و اختصار الوضع للي يفهموني
الهدف معروف والتقييم صايب
فالرجال اللي عساهم يسلموني




صح لسانك يا نوار الذيابي

وبالتوفيق