(( :: ياويــن أبلقــى فالمحبـه مصونـه :: ))

[ناصر الجلاه]

.

.

سر ياقلم فكري تزايد شطونه= تديره الأفكار مع كل هوجاس
مره ورى المقراح وأمرار دونه=وأمرار يأخذبي مع الضيم مرواس
اساير الدنيا بستر ومعونه=وألا المشاكل مالها حد وقياس
ولاني من اللي يخلفنه ظنونه=صليب راس وللمواقف قوي باس
من عزوتٍ حوض المنى ياردونه=تدوس بالأقدام ماهيب تنداس
البارحه والقلب كثرت طعونه=بجروح لاتبرى ولاهي بتنقاس
كني يتيمٍ والعرب مايبونه=عزي لمن حده زمانه على الناس
ومدام راسي ينهضنه متونه =وألي مع أهل العرف ماقف ومجلاس
بشيل حملي في زمان المهونه=مااشال غيض الزير في غدر جساس
وأنخى قصيدي والهجوس مغبونه=أنخى بنخوة شايب دباس لدباس
أما جزالة شاعرٍ يعرفونه=والا تركت الشعر حبرٍ وقرطاس
ياوين أبلقى فالمحبه مصونه=من عقب خلي شتت الفكر وسواس
ياروح ناصـــر ياغلاه وعيونه=ياجوهره تلمع بعقدٍ من الماس
شوقي كما نوٍ تراكم مزونه=وبله دموع العين لن جيت عساس
ابطيت وظروف الهواوي تخونه=وأنا أدري إنك بالأحاسيس حساس
لكن حبك ماتهزهز ركونه=لأنه مشيد ياحبيبي على ساس
تعال ناصر عذبنه لحونه=يجرها لاهب من شرق نسناس
طعم المفارق مر مايشربونه=ألا هل الحب الحقيقي بالتعاس
يقولها اللي ذاق شكله ولونه=متجرعٍ مره بكاسٍ ورى كاس
الوصل يأهل الحب لاتقطعونه=ترى الرجا فالحب خيرٍ من ألياس

[/QUOTE]

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com