وش فرق ليل(ن)عن صباح(ن)به رقود؟؟؟؟

[عبيد المسعودي]

السلام عليكم
كيف حالكم يالربع
هذه قصيدة موجهة إلى.........ولا اقول أقراؤها وهي ستعبر عن نفسها؟؟!!!!
أرجو أن تحوز على رضاكم!؟؟
وإليكم القصيدة

ياعين صكّي ليّن الجفْـن بركود = وطبّي مغَبّ النوم بنــــــــــــــعاس ورقاد
وخلّي طروق الليل للصّبح موعود = مالي على الخطّار باللــّــــــيل ميعاد
خطّار فكر(ن) ماهي بقدود وخــدود = ولاّغرام الليل والعشـق به زاد
خطّار لــيل(ن)طقّت الضّـلع وعضود= وهدّت وحوش هجوس للـراس وِرِّاد
تنْهَش عروق الراس وتهشّم سـدود= ياسدّ راسي ريّح العظم بـسْـنَاد
وهواجس(ن)تحْشي حشا الجوف بارود = تقدح شبيب النّار بالجوف بـزناد
بزناد راس(ن)طافحْ هموم منقـود =ونـَقْد العرب يِلْزِم كما الرّبط بقــياد
وعين(ن)تشوف الصّبح بعْسارمـولود = ليل(ن)يغول الصّبح بخناق مـيلاد
صبح(ن)على المطلاع يدْرج كما العُـوْد= حدْب الظَّهَر ينقاد تنْسَج له الحاد
وش فرق ليل(ن)عن صباح(ن)به رقـود=نامت عقول عباد ونْ داجت اجساد
عباد(ن)تَـعَرْض اجيال للسّــــــــوم وتزود = طبّت مزاد انذال ودْلالَة احقــــــــــــــــاد
يقْطَعك يابايع ضمِيرك على الـــــــــــــــزّود = بحلقك حبَال المصلحة لوّت اعقــــــــــاد
كـفْوِك تجرّ بخشمك القيد معــــــــــــــــقود = قيد(ن)زِمَام الخَشْم كالثور تنقــــــــــــــاد
صبْحِك تجرّ بشوت وتنهّب نقـــــــــــــود = وراسك ضجيع الحسدباللّــــــيل مرقاد
يالله عفوك عن سوايا هل السّــــــــــــــــود = متى يارب يرْبــَط ابليس باصفـــــــــــــــاد
متى ياربّ تشبع الارض والــــــــــــــــدّود = باجسام ناس(ن) كيدها نار حــــــــــدّاد
متى نكبّ اعذار ياليت ياكـــــــــــــــــــود = وعلْقَة خدوش(ن)شابهت علْقَةْ قـــراد
دنيا(ن) قليب الرثو بالدوم مــــــــــــورود = ودقس(ن)على عدود ذربين قد ســــاد
لله نشكي الحال والنّقص والــــــــــــــزّود = يعلم خفايا العبد وأعمال الأشـــــــــــــهاد
يالله تصعق ظالم النّاس برعــــــــــــــــــــود = خلّه يصير دروس لعباد واســـــــــــــــــياد
وختامها صلوا على حاوي الجــــــــــــود = بعداد ماطافت على الكعبه عـــــــــــباد

أخوكم /عبيد فهيد المسعودي النفيعي