لو محصولي من هروجك نواشـا

[يجيلك يوم]

ياصباح الخيـر يانـورٍ تشاشـا
من خدودٍ كنهـا لمـع الرهايـف

في نهارٍ أحمر الجمعيـن غاشـا
وألتقوا بالحدب مفرقـة الولايـف

في صباحٍ حامبه حتـى الفراشـا
وسالم اللي سالمٍ راحـت نكايـف

في قلوبٍ حولوا ماهـي غشاشـا
وأفتكوا القطعان موميت السفايف

خافقي ياخافقـي غيـرك بلاشـا
لو لو سميت بأسميـن العرايـف

أنتي ياللي غالبٍ فيـك النشاشـا
عودك الميـاس لاهبـت تكايـف

الشعر غيمٍ مـن القبلـه تناشـا
كاسي نورٍ مثل براق المصايـف

أرمشي بالسود لو جاني ارتباشـا
لو جرحتي خافقي مانـي بعايـف

مصافحت يمناك همـال الرشاشـا
تحيي عروقٍ على شوفك نشايـف

لو محصولي من هروجك نواشـا
صرت نايف طال عمر الشيخ نايف

أدفي البـردان صابتـه أرتعاشـا
غير رمشـك ماتدفيـه اللحايـف

السعد قربـك حبيبـي والمعاشـا
من كرزك الهمس يمنحني وظايف

أبشتري قربك وجاك العلم كاشـا
وأملكي قلبي يامفتون الوصايـف



منصور ابو طفره