جيتكم وانتم بعيني شيٍ اكبر من هدايا ..... ( ( قصيدة إهداء واعتذار لكم))

[معشي الحربة]

جيتكم وانتم بعيني شيٍ اكبر من هدايا = والهدايا ماتوفي ..كود تخذل من عطاها
جيتكم وانتم بحور لاعطت .. نِعم العطايا = من نسبها فيض لولو.. تلبسه للي نصاها
جيتكم وانتم نجومٍ ماتقاربها الزرايا = في السماء هيلا ,, تنور ظلمة الكون بسناها
جيتكم جيت عتيبي.. ماتزعزعه المنايا = لجل قومٍ لا وصلها هانت دروبٍ وطاها

ابيات متواضعة اهديها لكم ....
كنت اتابع هذا المنتدى من فتره طويله ولقيت فيه من الجهد اللي يعجز عن ايفاء حقه اجزل الثناء ....
اقلام احترمها كثير وكأني صرت مع الوقت اعرفهم شخصياً ..

لدرجة جعلتني اشارك على طول ... على غير ماجرت العاده به من التعريف بالنفس في ساحة الترحيب .. ولهذا اعتذر



اما عن حق ربعي فهو كما قلت اكبر من كل المقدمات واغلى من كل الهدايا

وهذي القصيده مجرد محاولة كتبتها لكم ... انقدوها , فندوها , شرشحوها او احذفوها بس لاترفضونها



محاكيكم ومغليكم ..

معشي الحــــــــربة