يامدعـي بالمكانـه والشـرف والـوقـار=نسمعك ياداعـي الاصـلاح عبـر الاثيـر
صوتٍ غريبٍ على مسمـع ينـادي جهـار=والله يقول انكر الاصوات صـوت الحميـر
ياداعـي النـاس للأفسـاد يكفيـك عــار=وأبشربـالأذلال والغربـه وحنـا بخـيـر
يلعـن نوايـاك ياصاحـب قنـات الدمـار=منتب لسـان السعـودي يالوضيـع الحقيـر
حنا هل الديـن ورجـال الوطـن والديـار=وأهل القيـم والامانـه والذمـم والضميـر
وألاّ انت تقضي حياتك بيـن ملهـى وبـار=وان عشت بئس العمل وان متت بئس المصير
واصبحت مضرب مثـل للـذل والأحتقـار=لـو كبّرتـك الفضائيـات تبقـى صغيـر
يابايـع الهـرج مهمـا قلـت ليـل ونهـار=ماغيّـرت حربـة النامـس مسـار البعيـر
حنا على الدار واهـل الـدار مثـل السـوار=جنـود طاعـه تحـت رأي القبـاده نسيـر
وافيـن لخـوان نـوره وآخذيـن الـقـرار=مانقتنع غيـر بـآل سعـود مهمـا يصيـر
والنا الشـرف والعـلا والعـز والا فتخـار=مـدام حكامنـا مرويـن حــد الشطـيـر
حكامنـا اللـي لديـن الله رمـز وشـعـار=متسـاويٍ عندهـم قـدر الغنـي والفقـيـر
للنـاس ميـزان حـق وللعـدالـه مـنـار=لين اصبح الشعب كلـه فـي مقـام الاميـر
يااعظـم ملـوك الاوادم واصلوابالمـسـار=في خدمة ارض الحرم والله سميـعٍ بصيـر
اختاركـم ذو الجلالـه وأحسـن الاختيـار=وان تنصروا ربكم فهـو القـوي النصيـر
يامـن حكمتـوا جبابـرة العـرب بأقتـدار=شعـبٍ ليـا صمّلـت يختـار مايستخـيـر
شعبٍ عزيزٍ علـى دينـه وعرضـه يغـار=وعن الوطـن للمعـادي شرّهـم مستطيـر
خير أمـةٍ اخرجـت للنـاس عبـر المـدار=فظلهـم الواحـد الحـق العزيـز القـديـر
يااعظم ملـوك البشـر حنـا نبيـع العمـار=فـدوه لكـم ياهـل التوحيـد مانستشـيـر
وألاّ انت خلـك كـذا مابيـن غـارٍ ونـار=يامدعي بالبصر وانـت الوحيـد الضريـر
خلك كذا تحمـل الأ سفـار مثـل الحمـار=ان عشت بئس العمل وان متت بئس المصير
علي بن سالم بن حشيم العازمي العتيبي 
« آخـــر الـــمـــشـــاركــــات »
05-Dec-2005, 12:33 AM
(الله يقو ل انكر الاصوات صو ت الحمير) لـ علي بن سالم
العرض الشجري