ملفي ومستور نارxنار - الهيـــــــــــــلا *** منتدى قبيلة عتيبة

قاسي العتيبي · 18-Jul-2012, 09:03 AM

ملفي المورقي
ياليل ياليل السعد والمعزة00الله يعيدك حزة ٍ بعد حزة00واللي يعز الناس كل ٍ يعزه00
وأصل المعرفة مالها غير أهلها
ياصفوف الملعبة قوموها لاتموت00السوالف ساع زانت وجات أوقاتها

الليل يامستور ياطيب الشور00قرب لي الخوصة نويت أذبح الثور00وأرتاح من شره ليا نفخة الصور00
وأصل المعرفة مالها غير أهلها
يالعصيمي سامع ٍ تالي الأيام صوت00من عباد ٍ قبلكم ماسمعت أصواتها

مستور العصيمي
يالمورقي ماتنتهي سالفتنا00واشيب عينك لو عليك التفتنا00لو الهبوب تهبنا ماوقفتنا00
وأصل المعرفة مالها غير أهلها

مايسل الناس غير السوالف والبيوت00وإن طرأ لك كلمة ٍ في ضميرك هاتها

العلم ياملفي ليا قلت وينك00أنته تلد يسار وتصر عينك00تبا تشب النار بيني وبينك00
وأصل المعرفة مالها غير أهلها

الهدف معروف يأهل العمايم والبشوت00صادها من صادها فاتها من فاتها

ملفي المورقي
أنته تدور للمشاكل من العام00أحداك شرق وتلفت العين للشام00لكن ألا ياصعب تحطيم الأرقام00
وأصل المعرفة مالها غير أهلها

كم طوير ٍ يرفع الرأس والريش محتوت00والأوادم تحسبه من حساب أمواتها

أنته عصيمي ٍ تحب البلاوي00الموت عندك والحياه متساوي00لكن قدامك بخيت العطاوي00
وأصل المعرفة مالها غير أهلها

بيتنا ياقوم ماهوب بيت العنكبوت00يوم ملفاكم....................................

مستور العصيمي
المشكلة ذا الحين صارت جديدة00أطرى عليه صورة ً فالجريدة00ياللي تغني كل يوم ٍ قصيدة00
وأصل المعرفة مالها غير أهلها

وش تدور فالجبل والجبل مافيه حوت00خل خلق الله توجه على نياتها

ياملفي الليلة علامك تغيرت00وإن شفتني بالعين عني تطيرت00وأنا على الأقدام فالأرض سيرت00
وأصل المعرفة مالها غير أهلها

لوسكت مع الرياجيل يازين السكوت00من تربى في بلد قوم عرف لغاتها

ملفي المورقي
خابرك تقرأ وأكثر الناس يقرأ00ويدين مليا خير ويدين فقرى00لكن لاتغدي مثل خط شقراء00
وأصل المعرفة مالها غير أهلها

العلوم الطيبة شربناوالعز قوت00كل ناس ٍ يالعصيمي على عاداتها

آخر تعديل قاسي العتيبي يوم 18-Jul-2012 في 09:08 AM.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

يتصفح الموضوع حالياً : 1 (0 عضو و 1 ضيف)