غازي مهنا الشيباني

[عابـــــر]

هذه مشاركة لقصيدة الشاعر غازي مهنا . . .

جندت نفسي لنفسي عن معاثرهــــــــا = اخاف من عثرة تصعب تواليهـــــــا
لعل ربي على الاصلاح يامرهــــــــــــا=النفس تجهل واخاف ابليس يغويهــا
اخاف تسرح مع الدنيا تغييرهــــــــــــا = اهدي النفس لو كثرة طواريهــــــــا
اتعب على السمعة العليا وادورهـــــــا = وليا بغت مسلك الزلات عاصيهــــا
ابي لها المرجلة ماني بعاذرهـــــــــــــا = لو المراجل تعيبات مراقيهـــــــــــا
اقص الامجاد وامشي مع جرايرهـــــــا = اتبع طريقة رجال الجود وامشيها
اغلي هل الطيب ماضيها وحاضرهـــــــا = احب عاداتهم ماني مخليهــــــــــا
واصبر ليا ضقت لين الله اييسرهــــــــــا =لو خصني حاجة للناس ما بديهــا
والهرجة اللي تعداني ما فسرهـــا = ولا شفق على كشفها من دون راعيها
واترك سبيل العرب لله يدبرهــــــــــــــــا = تجيني السالفة ما كني اوحيهــــــا
اقول ما ادريبها لو كنت خابرهــــــــــــــــا = واللي سألني يبيها قلت ناسيهــا
ويش لي ورا الناس يوم اجرح مشاعرها = الفتنة الميته ماني بمحييهـــــــــا

وسلامتكــــــم ،،،،،