اليكم هذه القصه الواقعيه التي حصلت على رجل معروف

[الباحث عن الحقيقه]

بسم الله الرحمن الرحيم
السلام عليكم ورحمة الله وبركاته

من القصص الغريبه اليكم هذه القصه الواقعيه التي حصلت على رجل معروف
الخــلآصه .. هذا الرجل راعي ابل ولا يوجد معه غنم فأتجه بأبله الى اماكن الرعي في ايام الصيف . حيث يقال لهم عزيب لان اهلهم ليسوا معهم فنزل في منطقته اللي هو فيها راعي ابل آخر فقام هذا الرجل الاول وعزم راعي الابل الجديد اللي نزل عليهم وحلف عليه انه ليأكل عندهم الطلي هذه الليله فقال المعزوم يا اخي حنا عزيب وانت كذلك ماعندك احد يطبخ لك العشاء وحنا لسنا بعندك ونبغيك تعفينا من هذه العزيمه قال ابدا والله ثم والله لتآكلون الطلي الليله قالوا عساك قوي رجع هذا الرجل لخيمته ومعه ولده الصغير وقال انا عزمت اهل الابل مير خلك عند الخيمه وانا بروح ادور لي ذبيحه عسى ان اجدها ففزع من عصر يجمع اغراض هذه المناسبه فيالله لقى ذبيحه واغراض الذبيحه والشمس بتطيح يعني جاب الذبيحه بعد المغرب اثار الذبيحه طمرت من السياره وهربت في هاذا الليل وتلقت الخلا وعند ما رجع الى السياره ليحضر الطلي ليذبحه لم يجده بحث عنه يمين ويسار ولم يجده , رجع الى اللي اشترى منه وقال اعطني ذبيحه الاولى هربت اعطاه واحده وكان راعي الغنم هاذا بعيد عنه جدا فأخذ الطلي ورجع الى خيمته والوقت هالحين بعد العشاء والضيوف هاذا نور موترهم جوو على وقت العشاء والرجل شل ابوك حط ابوك مع هالغنم ذبح هاذا الطلي في وقت متأخر جدا وطبخه هو وولده ولا خلص الا بعد الساعه 12 ليلا , الضيوف ينتظرون العشاء والليل سرا ويوم حطه فالصحن اشتاله هو وولده ليقدمونه الى الضيوف رثع الولد في طنب الخيمه لصحن على فمه فالنفود هو والمفطحه والضيوف ينظرون في ماصار قام هاذا الرجل وحلف وحرم بالله انكم ماتروحون لين تعشون الليله حاولوا فيه بشتى الطرق ولكنه رفض الا ان يجيب لهم ذبيحه ففزع لراعي الغنم اللي يبعد عنهم 30 كيلو واشترى منه طلي وذبحه وحضره للضيوف في تمام الساعه 3 فجرا فشوف التكلف اللي ماله داعي والعزايم اللي مايقصد بها وجه الله كيف نتايجها
انتهى