ياهني اللي يبات الليل مرتـاح (ن) ضميـره=ماتقـلـب فــي فـراشــه ولا بقـاصـيـه عـلّــه
نـائـم(ن) لاهــو يـفـكـر ولاعـيـنـه سـهـيـره=ماشـكـى لـوعـات بقـعـاء ولانـومــه يـمـلّـه
ماهو مثلي عكس حالي وأنا حالـي خطيـره=لامــلــذة نــــوم تــأتــي ولاقـلـبــي مـحـلّــه
كن أنـا ياشعيـل مذنـب تحـت حـد الشطيـره=لاش جــرم(ن) أرتكبـتـه ولا سـويـت زلّـــه
طايـح(ن) مظلـوم غصبـا ولاحولـي بـريـره=وسط ليل(ن) بالخـلاوي ودمـع العيـن اهلّـه
مسالـم(ن) مااذكـر خطايـا ولاغلطـه كبـيـره=تستحـق أحيـا واعانـي واعـاف الكـون كلّـه
ماخـبـرت إلا المحـبـه وقـيـل الـحـب خـيـره=ماخبرته مـوت(ن) أحمـر حشـا ياشعيـل لله
أثره اللـي حـاس حالـي وأخـذ قلبـي أسيـره=لين طاح خليـف عاجـز بـلا حيـل(ن) يشلّـه
فـي مغبـه دون شوفـه بـلا عيـن(ن) قريـره=فاقـده وارقــب بشـوفـه حـيـاة(ن) مسفهـلّـه
ياشعيل أن كان يجهل عـن الحـب ومصيـره=قـلـه بحـالـة مـحـبـه وعـــن التـقـديـر قـلّــه
قلـه أنـه صـار حاكـم علـى القـلـب وامـيـره=يـامــر بكـيـفـه ويـنـهـى وحـجـاجـه يـفـلّــه
وقلـه أن الـحـب دولــه وأنــا فيـهـا سفـيـره=كل مايصعب علـى أمـره أنـا طوعـه واحلّـه
وقله أنه تـاج حسـن(ن) علـى كـل الجزيـره=وماش بعيوني شبيهه وماش أحد(ن) محلّه
وقله أنـه مـن تركنـي وانـا دروبـي عسيـره=دائـم(ن) والـهـم معـيـه تـقـل للجـسـم ظـلّـه
وقله أنـي فـوق جمـره عسـى ياتـي بشيـره=يـمـكـن يـجــدد وصـالــه عـســى ولاّ لـعـلّـه
وقـلــه وقـلــه وقـلــه وبـعــد ماتسـتـشـيـره=أن بـغـى ولاّ تـوكـل عـلـى الخـالـق وخـلّــه
الحب ومصيره
العرض الشجري