يامن يجاريها...بعنوان وقت الصميدع

[متعب الند]

امس الضحى عديت في راس مشراف=مشرافن يساوي بعدنا نصف ميلي
من ضيقتي عديت ودمع ذراف=عديت عجل ونصف اخوياي يوميلي
اقفيت انا قصدي اعجل بالنكاف=اباخذ مع الرقه على ماوصل حيلي
لاكن حاف الفكر من الهم حواف=وذكرت منزال العرب و الرحيلي
ذكرت شيخن ينطح العلم ماخاف=رحل بجيله واعتقبناه انا وجيلي
شيخن يقود العز مع جمع السلاف=جتله على كيفه ونا ما تجيلي
لون جيله عاش بسنين اللعجاف=الرجالن تحمل ماخلطها هبيلي
ياما تقافوا بالقساء جمع وارداف=وياما تحامو بالغزو والمحيلي
ياما نقصهم بالقساء شرب والحاف=في نجمت السودى ليلن باليلي
يعنك مافيهم مغربل و مزهاف=ولايتبعون الجنز واخر مديلي
دين وكرم وللعواريف عراف=ولايغدرون الجار بسبر وختيلي
وخويهم لوعاف من الشين ماعاف=يرفون ماجابه ولوهو ثقيلي
راحو وحنا مع التهاتيه هراف=ونبغا انتزهب بتمر وصميلي
مايجتمع بالوقت مذكر ونواف= وقت الصميدع غير وقت الهزيلي