بالخير مذكورين والطيـب يامطيـر..(علي علوش)..

[لسان صدق]

بسم الله الرحمن الرحيم

الشاعر المحبوب علي العلوش المطيري دائما مايذكر في لقاءاته حبه لقبيلة الرشايدة
ويذكر انه تربى عند " ابن كعمي الرشيدي "و هكذا للقبيله بالانتماء لها ..

**********************
بالخير مذكورين والطيـب يامطيـر
بـروح منكـم يارفاقـه بعـيـدي

منكم ما شفت يامطير تقصيـر
هـذا كلامـي ياجماعـه أكـيـدي

عقلي براسي ماني جاهل ولا صغير
حرٍ وراسـي بالمواقـف عنيـدي

حاولت ألم الشمل لا يفـرح الغيـر
حاولت أعبر عن معانـي قصيـدي

عندي على ما قلت يامطير تبريـر
عندي غلاكم ماشيٍٍ فـي وريـدي

لكم تحياتـي مـن صغيـر وكبيـر
تبقون مهما كـان انتـم رصيـدي

ومن الدويش استسمحه بالمعاذيـر
هذاك أبو نايف زبـون الضهيـدي

بالأمس اسمي غير واليـوم غيـر
علـي محمـد والقبيلـه رشيـدي

قبيلـة ٍ فيهـا الوفـاء والتباشيـر
لا شفتهم عندي كما يـوم عيـدي

وأمي غلاها فـوق كـل التعابيـر
هي موضي البرجس غلاها فريدي

لها الوفاء مني وحشمـه وتقديـر
واذكر علي راعي المواقف عضيدي

شيخ ٍ أليـاء مـن هـز الطوبيـر
علي ذرايه تـاج راسـي وسيـدي

كافحت بالدنيـا كفـاح المشاهيـر
حملي ثقيل وفـوق هـذا وحيـدي

************************
ابو نايف = فيصل الدويش
موضي البرجس = والدته " الله يحفظها " زوجة امير الكويت الراحل جابر الاحمد " الله يرحمه "
علي = الشيخ علي الجابر الاحمد

آخر تعديل لسان صدق يوم 07-Jun-2010 في 09:04 PM.