العمــــــدة
العازمي في كل عام يحج للبيت العتيق=لكن ياخذ عام كامل بعدها في مسدحه
وانا لو اني ما اعرفه مضبوط واعده رفيق=انصب عشانه محكمة واغربه والا اذبحه
العازمي
علمك نبا نترك منه سطرين في جال الطريق = ماجاز للي فاللوازم فوق كتفه مشلحه!!
ان رحت طرقي يمكن احتاج العرب في فك ريق = والا العلوم الباقيه من دون عرف مصلحه!!
العمــــــدة
في قايد الوردية اللي قد وصل رتبة فريق=وحده توديه السماء العالي ووحده تطرحه
ابا اتحرى النايم اللي له سنه نايم يفيق=ثم اطرح الموضوع بالتفصيل قدمه واشرحه
العازمي
اليا ذبحت اذبح جمل واليا صدمت اصدم طويق = واليا سجدت اسجد وزان اهل الوجيه المفلحه!!
اشغلتني يالهاجس اللي ماتزود ولاتضيق = في كل ليل مطلّعٍ جثة نفر من مشرحه!!
العمــــــدة
يالعازمي ما والله اخاطبك في قدر السليق=الى متى وانا احايلك ومهد طريقك وامسحه
اما معي عوم البحر والا اعتبرك اخر غريق=في هذي اللحظه .. وطش المحفظة والمسبحه
العازمي
اعرفك تارد يارعد للبير بالحبل الوثيق = لكن مالك من ورا علمك هذيا مصلحه!!
الرمي علمته ذراعٍ جيدها فاطيب صديق = هاذي تهاويل الزمان ولاش شئٍ ندمحه!!
العمــــــدة
يا مختبر عرفان مافي حوزتك مجهر دقيق=واظن ما لموظفينك حق فاللي تربحه
مالك ظهر دقنه على تقوى وتلميذه حليق=لكن يالله تحفظه لاهله ويالله تصلحه
العازمي
اليا غديت من السطر ياصاحبي حرٍ طليق = اكيد ماتمرح مع طيورٍ بشجره ممرحه!!
كيفي من الدله وكيفك يارعد كاسة بريق = واسرح مع الغبشه وغيري مايفارق مطرحه!!
العمــــــدة
ترى الذهب ما ينعرض يا عيد في سوق الدقيق=وانا اعرفك هامور بحر وكل بحرً تسبحه
لكن ما صنت المباني من عنا سيل العقيق=لو كنت ما قصرت واستخدمت كل الاسلحه
العازمي
عرفك يجاوب يارعد عني بعد قدت الفريق = العازمي ماشد للروقه بنايد مشبحه!!
شفنا سراب ولانعده سيل لو جاله بريق = والخاطر المكسور ماودّي بشئٍ يجرحه!!
« آخـــر الـــمـــشـــاركــــات »
22-Apr-2010, 10:12 AM
العرض الشجري