العــــازمي
مالك يالاصعر غير كيف وريح هيل وزعفران=إن كان ضدّيت العدا باللي ينومس حدهـا!!
وإليا مسكت عنانها حاول تطـوّل فالعنـان=قدّام خـدّك لاينـوش الحـزم والا خدهـا!!
الأصعـــر
تراك تعرفني ياعيد العازمي ماني جبـان=والحظ عمّر للبيـوت العامـره ماهدّهـا
يوم انحدار عتيبه الهيلا على ديار قحطان=ترى حمول الخيل عزوتها ب/عاضي جدّها
العــــازمي
اعرفك في في شهر الضحيه ماعرفك شهر رمضان=لكن معـك القـوم مـن دون الجبـال وسدهـا!!
ليس الفتى من قال ابي كان وتعلّـى حيـث كـان=النـار ماياطـا سناهـا غيـر رجـلٍ قـدهـا!!
الأصعـــر
انا ماذم اهل الوفا والطيب ,,,, بس اخر زمان=اشوفلي ناس تبى ترقـى الجبـال,,او ودّهـا
مير الرجال يعقّبـون رجـال مايخلـى مكـان=اهل الشـداد اللـي تمـد الجزلـه وتمتدّهـا
العــــازمي
المحزم الفاضي يعوّد صاحبه رعّاي ضـان=واللي كذا لامن غزو واجب علانا ردهـا!!
نصبر شهر ونقول ابن ثعلي رزقه الله خوان=والا نميّز من هنا مزح العرب من جدهـا!!
الأصعـــر
لكن انا في محزمي ماشيل غير الجبخـان=( واللي محازمها بلا بارود ليش اعدّهـا )
تقولها واسمك ماشفته بين الاسماء فالبيان=لا تبلش العالم بنفسك هد نفسـك هدّهـا
العــــــــااازمي
غيب الليالي يكشفه صيحه وجره في طمان=هاثم يالاصعر هذاك الوقت عينك لدها!!
بالله كيف اروح يالاصعر هداك الله . وان=للي يمد المشط وقرونه علاك ايكدّها!!
العازمي × الاصعر ..
صحت السنتكم وبيض الله وجيهكم
« آخـــر الـــمـــشـــاركــــات »
30-Mar-2010, 11:57 PM
العرض الشجري