يابن الدّجيماء كلّ يوم مشاغبتكم فازدياد=تبغى تسوّق للذّهب حتّى لو انّه قد صدا !!!!!!

[حسن إبراهيم الدجيماء]

صح بدنك وقلبك ..

لاهنت يالذيب ..!!!

[رائد الكيرعاني القحطاني]

أنا اتكلم من عقل وانت تكلّم من عناد=وانته تحلّل فالجثث وجهودكم راحت سدى
النّبته الشّينة تبا تقلع ولا فيها فواد=محلّها في وادي ما فيه غيم ولا ندا

[رائد الكيرعاني القحطاني]

شوق الصعيبه

اررررررحب لاهنت

.....................

نداوي

مررررررررررحبا ومسهلا

الصف يزهابك يا كحيلان

لاااااااااهنت

......................

الكنق

لاهنت على المتابعه

......................

صح بدنك يالغالي

لاهنت

[حسن إبراهيم الدجيماء]

انا كلامي منطقي بالعقل معروف المراد = وانته تزوّر في صكوك مثبّته فالمنتدا
لاتقلعون الزرع يمكنّ البلا وسط السماد = والا اقلعوها كان ما صَلْحَت ولا فيها جدا

[رائد الكيرعاني القحطاني]

أنشهد انك غادي مانت بعلى درب الرشاد=ياللي تحسب انك خذيت الصّكّ فالحجّه .. بدا
ياللي تبا هدم الجبل وانتبه ما كمّلت المهاد=اشنابنا .. يالله عساك لها ومن مثلك فدا

[حسن إبراهيم الدجيماء]

ياخوي لاتذّي عباد الله رح بلّغ زياد = مايقدر قرود الهدا ياكود سكان الهدا
من يزرع الاحسان والمعروف في قوم الفساد = راحت معاريفه سدا لن كان ربه ماهدا

[حسن إبراهيم الدجيماء]

اخوي رايد .. عن اذنك اتغدا وراجع لك باذن الله ..!!!

[علي الشهراني]

طيب طيب


صحت السنتكم جميع


متاااابع و بشغف للعمالقه الكيرعاني و الدجيماء

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[قنوع النفس]

لاهنتم ورائع يالدجيما والصف صفك

[حسن إبراهيم الدجيماء]

المشاركة الأصلية كتبت بواسطة الشهراني

طيب طيب


صحت السنتكم جميع


متاااابع و بشغف للعمالقه الكيرعاني و الدجيماء

ارحب تراااحيب المطر .. يالشهراني ..

صح بدنك ومتابعتك نوماس .. الله لايحرمناااكـ ..!!!

مشكور على الاشادة ..!!!