حمد جوباح =
يا سلام الله سلام ٍ رافـع ٍ كفـه وراسـه=للجذع مخصوص وآعمّه على باقي خوانه
لابس ٍ لك ثوب وكمومه قصيره عن مقاسه=يمكن الخيّاط أخذ حقه بعد خـان الأمانـه
سلطان الجذع =
مرحبا ترحيب ساسه طيب والمعروف اساسه=فيه قدرٍ للكريم وعفو عـن زلـة لسانـه!!
سو للي فات حصر وسـو للواقـع دراسـه=ثم علمني ليا حطيت علمـك فـي مكانـه!!
حمد جوباح =
البقى لك والوضوء من شرطه تزيل النجاسـه=مصدر الفتوى كتاب الفقه يـا قاضـي زمانـه
ندرس الموضوع خمس سنين في علوم السياسه=والأمر في مجلس الهيلا يبـى يصـدر بيانـه
سلطان الجذع =
هات ما فالخاطر وصاحبك لاتذهب حماسه=لو ميزان الكلام تحط مع عشره ثمانـه!!
لاتقرب للعـرب فكـرك ولاتعبـد مراسـه=الحصان اليا جمّح راعيه مايمسك عنانه !!
حمد جوباح =
المذيع ان قال ما في خاطري يقصر حساسـه=عان علمي ظاهر ٍ في نشرة الأخبـار عانـه
لو على اعضاء المنتدى وزعت لك ناقه وطاسه=ما لقيت الجوع يلعب فيك مـن بـاب الميانـه
سلطان الجذع =
كل ماقلنا تعافـت جـاء لحالتهـا انتكاسـه=وانت يالديان وش تلقى ورى النفس المدانه!!
دامك تعرف الربيع وتعرف اصحاب العساسه=الخلل فـي قايـد الركبـان والا فالبطانـه!!
حمد جوباح =
شمّت العاطس قبل ما تبحث فـ.. سبّت عطاسه=المرض بعد الثلاث وغيرهـا شانـك وشانـه
الخلل فالفـارس اللـي يفتقـر فـن الفراسـه=يشوي الصقر ويقول اقلط على طيـر السمانـه
سلطان الجذع =
أكذب ان قلت إلك في بطن الحنش حصلت ماسه=يامفاهيـم اربعيـن التيـه وبـلاد الكنانـه!!
ان بغيت الراي مني خلهـا ضحـك و وناسـه=يوم مضمون الخبر ياصاحبي فاخت ضمانـه!!
حمد جوباح =
الحنش ما عنده الا السم فـي نابـه وكاسـه=لو نغيّر فـي عشـاه الحنظلـه والزعفرانـه
ما نعيبك يا الهجوم الا على مرمى الحراسـه=حارس .. فليلة هبوب الريح مثل الخيزرانه !!
الخلل فالفارس اللـي يفتقـر فـن الفراسـه
يشوي الصقر ويقول اقلط على طير السمانـه
أكذب ان قلت إلك في بطن الحنش حصلت ماسه
يامفاهيـم اربعيـن التيـه وبـلاد الكنانـه
الله الله
ياسلام سلم
محاورة قمة الروعه
ابن جوباج صح لساااانك ولله درك من مبدع
الجذع صح لساااانك مليااااار
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
20-Jan-2010, 12:29 PM
العرض العادي
