الذيب النفيعي
الثمينه وسط سوق البيع ماينقص ثمنها=سعرها معروف غالي بالجنيه وبالريالي
ياحليل الشايب اللي نعجته يشرب لبنها=مهتني في ديرته ماغرته سود الليالـي
فهد رحيم النفيعي
الثمينة ما يبا ينقص ثمنها فـي وطنهـا=ما يبا ينقص ثمنها يا كريميـن الرجالـي
مهتني في ديرته و النفس ما يتعب بدنها=مهتني في ديرته و الناس في هم و ضلالي
الذيب النفيعي
الله أنه يحتمينا من هذا الدنيا وفتنهـا=شالهم سيل الربوع اللي مابقا له توالي
والسبايب يافهد ناس ترى تأمر وتنهـا=الحرام ايحللونه مايريـدون الحلالـي
فهد رحيم النفيعي
لا تغارب شي هاذي فتنة جـت فـي زمنهـا=من جنوب و شرق تقدح جعل مال للقوم والي
تفرح العدوان لا شافت ذبيحة فـي صحنهـا=كيف نعمل في بشر فيهم خيانـة و اختلالـي
الذيب النفيعي
من يخون ويعتدي يبشر بنا لنذود عنها=فدوه الها أروحنا ونذود عنها بالسلالي
هاكذا الدنيا ترا ماحدٍ يبا يسلم محنهـا=والخيانه من يقرابها يبا يصلاه صالي
فهد رحيم النفيعي
المطية لو تقاود مـا نبـا نفلـت رسنهـا=ما نبا نفلت رسنها لو على رووس الجبالـي
ما حد(ن) لام الرجال اللي تدافع عن وطنها=المنية دون موطنها مثـل صفـر الدلالـي
الذيب النفيعي
الله في محكم كتابه قد تكفل فـي أمنهـا=ماترك للي غزى بفيله مجال من المجالي
دام حنا جاهزين المعتدي روحه رهنهـا=ينهزم ماينتصـر والله عليـه الاتكالـي
« آخـــر الـــمـــشـــاركــــات »
03-Dec-2009, 09:12 PM
العرض العادي
