سعود العصيمي =
يابن دحيم الك مدة وانت مانته صحيح = اتلد لي بالعيون العور يالاعورا.
صحيح من قال من به ريح مايستريح = مالك جدى غير تشميت العرب فالذرا
سلطان بن دحيم =
يا سعود من ماضي الدنيا تقوم وتطيح=الناس تمشي قدم وانتـه تعـود ورا
ما تترك قلادتك ياللي تعبد المسيـح=لكن قلادتك مـا تنفعـك يالاقشـرا
سعود العصيمي=
انته طويـل اللسـان ولاتخـل المديـح=من يسمعك قال هذا أمير وابن أومرا.؟؟
وانته كما الحصني اللي قام يضبح ضبيح=يأكلك ذيب الدجى يالحصني الازهـرا.!!
سلطان بن دحيم =
منك الخطا شي عادي دام قلبك جريح =ولو ان عزمك قوي ما اوصلك قمة كرا
لو لا الحيا قلت انا سامعك تنبح نبيح = جرحك من الوقت الاول يا ولد ما برا
سعود العصيمي =
ياغرب ياللي من الايام تنضح نضيح=الناس تدري عن الايمن من الايسرا.
ليتك تريّح وتأكل من قـدور اللتيـح=سعود عن واحد مثلك حشا مـادرا.
سلطان بن دحيم =
قدرك بلا نار واشبه يالعصيمـي يفيـح=يمكن ذبحك الغبـن والغبـن ناتـج زرا
محكوم تحت امرنا سكـت والا تصيـح=وان صرت عقرب ثرا ندفنك تحت الثرا .
سعود العصيمي =
وش انت خابر نهار الزند يقدح قديح=انته وعمك علينا فالطعـام اخشـرا!!
مامعك غير اللسان اللي بهرجه فصيح=والا البرا والله انـك ماتـرد البـرا؟
سلطان بن دحيم =
لولاي في مثبرك يا سعود تبقى طريح=تراك ما جيت سوق البيع والمشتـرا
انته قبيح اللسان وفعلك ايضـا قبيـح=ليتك تلزق لساانـك فالجمـا بالغـرا
سعود العصيمي =
مالي دخل فيك ياللـي بالسرايـر تبيـح=الله معـزز مقـام الصقـر يالحـمـرا.
ماني بساكت عن ابن دحيم راع الضريح=اشويّـه ويعتـرف بالعلـم لوانـكـرا.
سلطان بن دحيم =
سعود واللي سواته جعلهم في قريح=لو كان عشًر بعد بكره يصير عشرا
سرك بصدرك ولكنك فضحك الكحيح=واليوم ابى اقرا عليك الحمد والم ترا
« آخـــر الـــمـــشـــاركــــات »
05-Nov-2009, 11:38 AM
العرض العادي
