العملاق/عبدالله بن عون

[عبدالله بن طلال]

المشاركة الأصلية كتبت بواسطة سلطان نايف العضياني

يسرني أن أطرح لكم هذه القصيده لشاعر الكبير/عبدالله بن عون العتيبي
وتحتوي على التفصيل الممل لسواة القهوه وفيها بعض الوعظ والنصايح التي قد تفيد من يقراؤها في هذا الزمان
لله درك يابونايف

مع هجعة اللي يختفون اول الليل=الغايبه دايم يغيبون معها
النفس تاقت لسمر والتعاليل=والعين أشوف النوم خالف سنعها
وطاب الجلوس بجانب النار ياشعيل=وحط الحطب في ترعتن من ترعها
واليا أستوى للجمر فيها دحاميل=واقبل تواهجها وقفى ولعها
درج على المحماس من غير تعجيل=بريتن دوب اليماني قطعها
أول قطاف أسفوح شم الأقاذيل=اللي جذا حوم الوحش عن فرعها
شمن يساقيها السحاب أبهماليل=ليت إيتحدر سيلها مع تلعها
وترا لحمستها نضام ودواليل=وشريعتن يمشى بثر من شرعها
أول بدايتها مدافع مخاليل=ومسرا جماميل بغالي سلعها
وسوقن كما سوق الجمال المحاميل=مازال حمو النار ماقد لذعها
واليا تطلق من شذاها زعاجيل=وبشت عرق واللون الأشقر بشعها
فالحال سهلها عن النار تسهيل=حتى لضا المحماس مايدّرعها
وعجل لها ياشعيل مسرا الجماميل=بطراد زلباتن تزايد فزعها
تدريجت الحيران ومطارد الخيل=هذي طريقت حمسها واتبعها
ومن عقب ميلها على النجر تمييل=جذاب روس القوم من منتجعها
عوايدله من على سالف الجيل=ماهي جديده توّنا نبتدعها
ومن يوم تنعمها فدوك الدعابيل=فوق اصهب اللون الربيب أتهزعها
وأضبط قياس الماء لها بالمكاييل=ضبط الخبير لصنعتن مخترعها
ومن يوم تقطع خلها مثل ماقيل=ترخي على هدف السبيل أمخذعها
مبهارتن تذعر بغال التشاكيل=طب العماس اليا تيسر سنعها
صفرآ كما القنديل حسنا تعازيل=من صنعتن رسلان الاول صنعها
لادارها اللي يعتني بالمعاميل=وفاحت وبالفنجال الاول ردعها
وفيها تساوت خنت اللبن والهيل=والنفس دافعها علاها دفعها
قم صبلي ياشعيل منها فناجيل=على سنا ضو(ن)تهادا ولعها
أضنها يامال طول التماهيل=تقلع همومي كان ربي قلعها
وتفتح لها أبوابن بصدري مقافيل=وتجمع لي أفكارن تشتت ضيعها
واخذبها عن ضيقت البال تبديل=وصروف دنيا مامشت مع سنعها
دنيا تصيّد بالشبك والمحابيل=ناس(ن) تسايرها وناس اتخدها
أحدن تجيله بالرضا والتساهيل=ولوهو تعب في جمعها ماجمعها
واحدن ركابه مقفياتن مقابيل=ولاباب ولاّ نافذه ماقرعها
وتعطيه قاف أليا طمع بالمواصيل=وينكف معيف وسامحن من طمعها
دنيآ تقذل سبّق الحر تقذيل=وتوهنه في ربعتن من ربعها
لو قد مضاله من شقاها غرابيل=يوم الحرايب مضلماتن بقعها
يوم الطلوع إبها على الهجن والخيل=ماقد فهق عن طلعتن ماطلعها
ويوم أستقرت واغدقت بالمحاصيل=صارت منافعها لمن لانفها
عقبانها تمسي قوايآ مواجيل=والمستفيد غرابها مع مرعها
واللي مسار أمورهم بالبراطيل=واللي متى ماوافقتله بلعها
ومن ذاق در المرزمات الاباهيل=أما حلبها حلب والا رضعها
وحصنيها يرقص على هزت الذيل=ولويجتمع قدمه سباعن سبعا
ولاعندنا ياشعيل للعوج تعديل=ومازال ممشاها على العدل أطعها
وان شفتها قامت تجانف على الميل=بردا ثمن عند أول السوم بعها
واستثن منها قومتن فآخر الليل=في ساعتن كلن يحب إيهجعا
لاجال ثلث الليل الآخر تراتيل=وقامت ملايكة الرضا قمت معها
في ساعتن تكبيرها والتهاليل=يجنا ثمار اعذوقها من زرعها
وخل إجتماعك بالرجال الحلاحيل=اللي خيار المجتمع مجتمعها
ولا تبدي الشكوى ليا ضامك الشيل=ألا على رجل(ن) يحس بوجعها
رجل(ن)ليا أصتكت علاك النشابيل=أما شبرها شبر والا ذرعها
ومن الزمان أخذ العبر بالرحاحيل=اللي منازلهم تهاوى بقعها
ويافكرتي لا جيت بعض المداهيل=ولا شفت فيها عقب حي(ن) رتعها
ألا رسومن دارساتن مواجيل=وخرايمن يزمي السراب أبشمعها
بلاقعن شهب تهاوى زهاليل=الظاهر إن اللي فجعني فجعها
من عقب أهلها لو سقتها المخاييل=مالله نفعها وبركتها نزعها
لاجيتها جضيت من قلت الحيل=ودنياي عندي ضاقبي متسعها
على حلاحيل(ن) تضد الرياجيل=حصنن ماعاد ألا مقالع شيعها

عبدالله بن عون

بيض الله وجهك


وصح لسان الشاعر العملاق عبدالله بن عون واطال الله بقاءه



ولكم تحياتي

[سعد بن عون]

الله الله صح لسان ابن عون وقصيده رائعه جدا جدا


وتسلم ع النقل سلطان

تقبل مروري

ولاهنت

[سلطان نايف العضياني]

عبدالله بن طلال

سعد بن عون

ياهلا

[أبونواف]

صح لسان أبو نايف

ولاهنت على النقل ..

[محمد العتيبي]

المشاركة الأصلية كتبت بواسطة سلطان نايف العضياني

محمد العتيبي

هلا مرحبا واقلط على هبة الريح

لاعدمناك

كرمت ودمت يابو نايف ..

بيض الله وجهك
..

التوقيع

للتواصل عبر twitter تويتر al_bargawy@

[كحيلان الهيلا]

صح لسانك يابونايف الشاعر


وسلمت يداك يابو نايف الكاتب


ودنا انك كملتها


وحق القبايل ماعترضله بتقليل يا ما مع اللاخيار معنا ومعها

[سلطان نايف العضياني]

أبو نواف

كحيلان الهيلا

ياهلابكم

وأعتذر إن كان نسيت أي بيت لأني حافظها غيب ويمكن سقطت بعض الأبيات سهوآ