العازمي=
نار المشاكل مولّعها رعد فالشـراع=احتال فاهل السفينه قايد المركبـه!!
محدن يدور ورا العمده شراب ومتاع=مادام بيدينه الثنتين حاش سببـه!!
العمده=
ما دام زر التحكم مع طويل الـذراع=المؤمن بخير والكافر يقص شنبـه
والعازمي كان راسه فيه نوبة صداع=يعزل بغرفه لحاله لاحـدن يقربـه
العازمي=
اللي نصحته يروح بعيد سبّب نـزاع=ماني بلاقي نصيحة خير في مزهبه !!
مافيه روقي فريسه للذيـاب الجيـاع=ياشاعر الروقه الميـدان والملعبـه!!
العمده=
لولا البعير العماني يمدي الذود ضاع=يطحن بزاره ويدحم دونـك بمنكبـه
اقدم عليها ومثلك لو يقوم استطـاع=فاضي وتملك حبال العرف والموهبه
العازمي=
مادام راع البعير اليا ومـر مايطـاع=يرجع يسوق جمله واليا تعب يركبه!!
وان كان ساويتنا بالشعر طش القناع=والشي هذا من العتبان ما استغربه!!
العمده=
الاقنعة للغزيل والهمل والرعـاع=ماهيب للعاهل اللي حافظاً منصبه
ازهل حنين وبدر لكن ذات الرقاع=تسد فيها انت واجرك قبلها تكسبه
العازمي=
زبد البدو تحت صلو الشمس لاشك ماع=فالظل وانته نشوفك من غبا تسحبـه!!
لقيت في جعبة الرجال حنكـة شجـاع=يمشي على جرة اللي ماختلف مذهبه!!
العمده=
لليل حطاب واللي يحطبـه مـا يبـاع=السوق ما يطلـب الا فضتـه وذهبـه
الحر يا عيد عنـده نزعـة الارتفـاع=واللي على الدرب روّح صيد في مخلبه
العازمي=
افشيت سر القضيه مع بنـي قينقـاع=واصبحت همزة وصل في جملةٍ معربه!!
اللي يبا هرجته للنـاس بكـره تـذاع=يخبربها شاعر الروقه علـى مطلبـه!!
العمده=
ضميرك المنفصل حط الثنيـه ربـاع=والا بعيد الهقاوي ما خلفـت تعبـه
من خلقته سبع ماعمره يخون السباع=لو ان عوج الليالـي للعنـا تشعبـه
ابوطلال
اذا حضر حضر الابداااع
صح الله لساانك يابو طلال مليووون.
العمده
هو العنصر الاساسي للابدااع
مثل ماقال:
ما دام زر التحكم مع طويل الـذراع،،
صح لسااانك ياعملالاق
وبيض الله وجيهكم
على هذا الطاااروق
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
20-Aug-2009, 01:11 AM
العرض العادي
