نبا عتيبي صدره وسيع نبي نمزح معه

[نوآف الغنامي]

يا مرحبا ترحيبة ٍ ما قلتها قبلك لحد = من شاعر ٍ لا مدت اليمنى يمينه مدها
جيتك وانا لاجيت فالميقـاف ثابـت مارتعـد = و لا ابيح سدي يوم بعض الناس باحت سدها

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[نوآف الغنامي]

صح الله بدنك يا مرزووق



وحيااااك الله ..



وحيا الله الجمييييييع

[مشعل الديحاني]

المشاركة الأصلية كتبت بواسطة خيال الصفراء

يا مرحبا ترحيبة ٍ ما قلتها قبلك لحد = من شاعر ٍ لا مدت اليمنى يمينه مدها
جيتك وانا لاجيت فالميقـاف ثابـت مارتعـد = و لا ابيح سدي يوم بعض الناس باحت سدها

دام البقا ياللي ترحب مير ليتك تجتهد = وصاحبك لامديت يمناك الكريمه شدها
لا جيت يالخيال لقمه صرت في فم الاسد = اقولها وان قلت كلمه ياعميلي قدها

[صاهود]

المشاركة الأصلية كتبت بواسطة مشعل الديحاني

دام البقا ياللي ترحب مير ليتك تجتهد = وصاحبك لامديت يمناك الكريمه شدها
لا جيت يالخيال لقمه صرت في فم الاسد = اقولها وان قلت كلمه ياعميلي قدها

ياسلام ياسلام

اقولها وانت كلمه ياعميلي قدها

صح السانك وسلم بنانك

[نوآف الغنامي]

حنا نبا نبذل معك مجهود يا مال السعد = ناخذ ونعطي معك لين النفس تاصل حدها
انا ليا جيت احتزم بحزام واسمع يا ولد = اذهن تقرّب من سيوفي ثم يصيبك حدها

[عبدالله الجـــذع]

الله الله

مشعل صح لسانك وحياك الله يالغالي

خيال صح لسانك يابطل والشهاده مجروحه

متابع لكم


محبكم
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[نوآف الغنامي]

صح بدنك ياااا عبد الله



مرووورك شرفني واسعدني


ومتابعتك كذلك ..

[مشعل الديحاني]

المشاركة الأصلية كتبت بواسطة خيال الصفراء

حنا نبا نبذل معك مجهود يا مال السعد = ناخذ ونعطي معك لين النفس تاصل حدها
انا ليا جيت احتزم بحزام واسمع يا ولد = اذهن تقرّب من سيوفي ثم يصيبك حدها

قال المثل من جد يالخيال في الدنيا وجد = والناس والله ماعرفنا مزحها من جدها
لو تحتزم منته منقص ياعميلي بالعدد = لكن هد النفس يالخيال بالله هدها

آخر تعديل مشعل الديحاني يوم 14-Aug-2009 في 11:47 PM.

[نوآف الغنامي]

وقال المثل يا شاعر المطران من يزع حصد = ومن يبني البنيان كيف انه يعود يهدها !
انا ليا مني وعدت اوفي ولا اخون الوعد = والنفس اهديها ليا جت للغضب واردها !

[مشعل الديحاني]

صح لسانك ياخيال الصفراء وتشرفت باللعب معك
وتعلمت منك اكثير
واسمح لنا ان كان حصل منا قصور ولنا لقاء اخر
واشكر كل الاخوان الذين مرو على الصفحه
ولهم منا التقدير والا حترام