عقاب العنزي
يارعد جتك الاشاده من زعيم الثوره = والاشاده نعتبرها يارعد عاديّه
لاتحسب ِ انك غديت بهالزمن اسطوره = والله انك جاهل ٍ ( فالصوره المخفيه ) !
العمــــــدة
غالية من غالي وبعض العرب محصوره=بين قوسين العـــــــــوز والحمله الخيريه
لا ترج الكبتن الطيار فالمقصـــــــوره=ثم تحرم من صعود الرحله الجويه
عقاب العنزي
لو تزيد الهرج يالعمده بصوت وصوره = والله انك ماتهز البنيه التحتيه
مشكلة بعض الفقارى اللي على المعموره = تدّعي كنز الغنى والنظره الفوقيه
العمــــــدة
الشمالي طول عمره ما تطير طيوره=رزقهـــا ما غيـــــر كومة حب فالبريه
فيه اسامي فالجبال النايفه محفــوره=ما تجيها غير عبــــر احلامك الورديه
عقاب العنزي
ظلع سلمى ماتهمه هرجة ٍ معثوره = بااختلاف آراء بعض اصحابنا النجديه
كيف ابحلم يارعد في عالم ٍ مغموره = بالملاقى ماتشيل السيف والجنبيه
العمــــــدة
السراة جبالهــــا فالمملكة مشهــــوره=والضلاع اللي تقوله قدمها لا شيـّـه
بالمتون اللي تواما واليد المكسوره=ما تضد المعجرة والآية الكونيه
عقاب العنزي
البشر بسلومها وعاداتها مخبوره = وانت نجدي مالقينا لك بها ماريّه !!
ليت تلميذ الدراسه يحترم دكتوره = قدم لايرفع عليه النسبه السلبيه
العمــــــدة
فالحجاز ونجــــد قوم اعلامنا منشوره=وانت يالحري شمال الحره الغربيه
من سحابة خيـــر دار الوايلي ممطوره=لو يميل فالعقال ويرخي الكوفيه
عقاب العنزي
انت روقي ماتنافس ملفي بجمهوره = لو دعمت ولو بحثت الخلطه السريه
ربعك اللي من فعولك يارعد مسروره = ماعرفوا وش قيمة الدينار والربيّه
العمــــــدة
الكواكب فالسماء يا فنــــي النافوره=دف مويه مـــن بحر والا بعد غازيه
حارس المرمى تعدت عن يمينه كوره=استقرت فالهدف والقـــادمه ذريه
عقاب العنزي
لو بغيت ادفها ماتقبل الماصوره = مير خذها من يدي مربوعة ٍ مثنيه
الفقيه اللي(قذف) بسياسة آخو نوره = باطل ٍ مفعولها والرايه اسعوديه
العمــــــدة
يا عقاب الضيف ناديته على شابوره=ليـــت نارك يوم زاروك النشاما حيه
والنعم باهل الوفــا والراية المنصوره=مار سكان النجف ماهم من الدرعيه
عقاب العنزي
والله انّ ماجهلنا قدره ومقدوره = لكن اشره في ضمور افكاره العقليه
انت يالروقي بعد خلوك عضو الشوره = ودنا ننخاك لجل نحصّل الجنسيه !!
العمــــــدة
لو رسول الحق ماوصى بستر العوره=كان حولتك لقسم الصحه النفسيه
ما خلى كف الكريم ولا تهمش دوره=مستعـــــد يطلعك فالصورة الفوريه
عقاب العنزي
الرسول ايضا نهى المسلم بجرح شعوره = مابغيت اجرح شعور العالم المنسيه
دار بابل ماهقيت انك تخش قصوره = ( يالمصوّر) والبشر مامورة منهيه
العمــــــدة
دم قلبك لو تصبه صب في قــــــاروره=ما تجاري مالك اللي ولف النونيه
للقصر عمدان محسوبه وحوله سـوره=دورها مشهود له وحقوقها محميه
« آخـــر الـــمـــشـــاركــــات »
12-Aug-2009, 05:58 AM
العرض العادي
