غزلية قوية قوية قوية للشاعر فاروق الكسر

[حاتم العطاوي]

قصيدة غزلية من العيار الثقيل

جافيت لذات الكرى وانت غافي=والليل صارن لي غداريقه احلاف
من عقب ماهفت ظعونك مقافي=وابطيت اراعيهن على مد الاشواف
في راس رجم الياس طال اعتكافي=لين افختت عيني جدايدك الاسلاف
واستلحق اللي فات شوفي وشافي=مشاهدٍ بين الحقايق والاوهاف
والا انت يامودع حشاي الحسافي=يامن عليك مذوّب القلب مزهاف
ياليت يومنك نويت التجافي=ما اوميت يومنك تنويت بسهاف
ولا إلتفت بنص عمرك خلافي=لين انثنى ثوبك على هاك الارداف
ملت وجديلك كنه الليل ضافي=وراك يلعبه من النود هفهاف
مرٍ ترده باليدين السهافي=ومرٍ يشيله عن مشاريقك الزاف
وليا ترفع واشرقن الخوافي=عن لبةٍ توضي مثل بدر الانصاف
ومعنقٍ لاسود جديلك منافي=عنق الفريد مخاشرٍ فيه الاوصاف
وخدٍ توهجر بين سمر الغدافي=وسلة شطيرٍ منها اللالحاظ وجاف
ودرٍ تلالا بين حمر الاشافي=وخمرٍ تكنه بين مكنون الاصداف
يصخف دريره منطق ٍ منك صافي=يامصخفٍ قلبي بزين التعطاف
ماتسقي اللي منك ذاق الزعافي=السلسبيل اللي يجمنه رهاف
عطني من الصافي ربيب الرهافي=بل الرمق لاتودع الروح بخلاف
لوكان في شفك خطرها عوافي=انا اشتكي حالٍ ذوى غصنه الجاف
مبحر ولالي غير ثغرك مرافي=ياشوق من ياطا على جمر ورضاف
يمك شفاياي العطاشا ملافي=شفهن وضفهن يابعد كل من ضاف
يامن جمالك لو تغطى يشافي=يجهر ويبهر فالورى كل من شاف
ويوجع ويودع فالعقول اختلافي=ويشرق ويغرق في مفاتنك الاطناف
ويسقي ويبقي فالعروق الجفافي=ويوهج ويولج فالمعاليق الارهاف
يابحر موجك فوقه السحر طافي=ومبحرك ماله فالغواريق مجداف
غير اعتلاج الشوق بين المنافي=وطيفٍ حشا مازارني غيره اطياف
لا ليه ياللي شاخ زينك ونافي=ماهوب حقٍ تودع الكبد مرضاف
وسمت قلبي وسم حم الشعافي=والشوق لارقاب الرجا فيك زفاف
يالجوهر اللي كل مافيك وافي=ياسيد النوفات فيك البها ناف
مافيك والله يالغظي مايعافي=حد التناهي مسرفٍ زينك اسراف
مايستره لبس النقا والعفافي= نورك يخلي دايم الثوب شفاف
ياموهنٍ عندك ثقالي خفافي=واسمن جسامي في بحر غيك عجاف
من دون وصلك يلعبن السوافي=حتى سنا البراق ماعاد ينشاف
كفيت جودك وانت مبلغ كفافي= وشلون يامضمي زعاجيل الاشفاف
يازين مالي غير قربك مشافي=الا ولا ارجي غير شوفك ولااشتاف
دايم ولك تيار الاشواق دافي=من مرهف احساسٍ يميل لك غرياف
شوحات فكري يطرقن الفيافي=واطول مسافة غربة ٍ مالها اطراف
بيني وبينك يامطوي وجافي=منك المشاعر ماتبي غير الانصاف
ياملهمٍ حتى القلم والقوافي=في غير وصفك ماطرالي ولاقاف
وهذي طعونك مثل لون الرعافي= على رواقٍ خالجه ولف وشغاف

[ابن صنهوت]

صح السان فاروق وسلمت يمينك يالعطاوي لاهنت ع الاختيار

[سلوم الغنامي]

صــح لســآن شــآعرهــآ . تسلم يمناك على النقل ياخوي حاتم .

تقبّل مروري المتواضع على متصفحك .

[أبونواف]

صح لسان الشاعر فاروق الكسر ومشكور حاتم على نقلك ..

[عبدالله هادي ناشي الفليت.]

صح لسان الشاعر ..

تسلم يمناك على النقل ..

[محمد العتيبي]

صح لسان الشاعر المبدع / فاروق الكسر المرشدي

قصيده وافيه بمعنى الكلمه ..

تسلم يدااك يالغالي على النقل الرائع

التوقيع

للتواصل عبر twitter تويتر al_bargawy@

[حاتم العطاوي]

المشاركة الأصلية كتبت بواسطة ابن صنهوت

صح السان فاروق وسلمت يمينك يالعطاوي لاهنت ع الاختيار

الله يسلمك يابن صنهوت شاكر لك مرورك

[حاتم العطاوي]

[

المشاركة الأصلية كتبت بواسطة سلوم الغنامي

صــح لســآن شــآعرهــآ . تسلم يمناك على النقل ياخوي حاتم .

تقبّل مروري المتواضع على متصفحك .

تسلم اخوي سلوم

ومرورك على العين والراس لاهنت يالقرم

[حاتم العطاوي]

المشاركة الأصلية كتبت بواسطة أبونواف

صح لسان الشاعر فاروق الكسر ومشكور حاتم على نقلك ..

العفو يابو نواف

ولاشكر على واجب يالقرم

[عمر الدغيلبي]

الله الله

ياسلام

قمة الروعه والجمال

صح لسان الشاعر فاروق الكسر

على هذه الرائعه

التي لا يكفيها مرور واحد

سنعود مرارا ً وتكرارا ً

للإستمتاع بقرائتها

شكرا ً جزيلا ً لك يا حاتم

على هذه القصيده الدسمه

احترامي

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه