ابو لماااار =
سلطان في غيابه عليه الناس راحوا فرقتيـن=ناس" تحرى جيتـه نـاس" تمنـى ذلفتـه !!
وانـا دعيـت الله يـرده بالسلامـه مرتيـن=لاجل الوضع في منتدى الهيلا صعيب بغيبته !
سلطان الجذع =
مافيه شك ان الصفوف اثنين وانته جيت وين ؟=حولك ثلاث سنيـن بالـي ماتفـارق ريبتـه !!
ان غبـت فغيابـي يسـدون الرجـال الغانميـن=وان جيت راسي فوق كل الروس تضفي هيبته !!. .
ابو لماااار =
الليله المعنى ياسلطان الجذع كبش" سمين=تحمّد الله وانت عايش يالجذع في فيّته !!
لابد مايبدي عليك النور والخافـي يبيـن=ماينبسط في غيبتك غير القلوب الميّته !! . .
سلطان الجذع =
احذر ترى سد الشفا نقاد يالقلب الفطين=الله ولا اللي حسنته غطت علاها سيتّه !!
مانته مغيّر صورة الكفار في بدر وحنين=لا تبدي الخيرة وشرك فالضمير مبيّته !!
ابو لماااار =
انا احسبنك يالجذع شاطر ولك عقل" رزين = اثر الذي طوّل غيابه تختلف عقليّته !!
دائم تحسبون المعاني حولكم يالطيّبين = افكاركم سوداء لو الرجال صفّى نيته !!
سلطان الجذع =
الحنظلة يااصحابنا الثقفان ماتثمر بـ./ تين = والراعي المصلاح ماوفق صلاح رعيته !!
هذا انت دايم ماتغيّرك الليالي والسنين = الغار تأخذ شكل دابه مع طبايع حيته !!
ابو لماااار =
هذا الزمان اليا قسى لابد مايرجع يلين = احرص على نفسك ترى الرجال له شعبيّته !!
ابكسر يسارك ولا يبقى معك غير اليمين = وتمدّها مجبور للرجّال في مديّته !!
سلطان الجذع =
بعض الوصوف تخالف الموصوف واسرار الثنين = في وسط عدٍ في تهامه ماتغيّر طيته !!
هذا الكلام اللي من أجله فيه ألد بنص عين :) = شكلك تحسب أنك وكيل ادم على ذريته !!
ابو لماااار =
لو نكشف اسرار المغيبه يمكن الدعوه تشين = ماظن علمك يالجذع يبقى على سريّته !!
الله يستر حالكم والله على الدنيا يعين = انته مقفّي والمقفّي مانريد اذيّته !!
« آخـــر الـــمـــشـــاركــــات »
11-Jun-2009, 12:56 AM
العرض العادي
